Nta nu tempu a nui luntanu
Iniziau lu to caminu,
Supa a l'ormi du Diu vivu
Veni ccà nui u Pellegrinu
Nto cori na speranza:
U cerca Dio ntra l'omu,
U m'ama pienamenti cu tuttu u cori
E u ndi duna tanta speranza e tantu amuri.
Cu signu di la cruci tu nescisti,
Da Francia o paisi nostru tu arrivasti,
Cadisti prima malatu poi fudisti puru arrestatu,
Moristi u sidici agustu e a Melicuccu veni festeggiatu
U cacciamu da San Nicola
U trasimu nt'Ammaculata
A genti vaci e o'basa a passu i sta sonata.
A processioni veni sempi tanta genti,
A Santu Roccu u tennu tutti nta la menti,
E tutti arretu recitandu li preghiera
Genti paisana contadini e foresteri
E vestutu da pellegrinu
Porta u cappedu u vastuni e u mantellinu
A li pedi ndavi nu fedeli cani
Nci salvau la vita portanduci lu pani.
U cacciamu da San Nicola
U trasimu nt'Ammaculata
A genti vaci e o'basa a passu i sta sonata.
Iendu e venendu, chijovendu e nivicandu
San Roccu di la Francia a vui m'arraccumandu.
Ogni annu lu passamu pe ogni via,
La banda arretu chi sona in cumpagnia,
Canti, preghieri e tanti emozioni
Stamu arrivandu a la conclusioni.
Na processioni bella e tanta amata
San Roccu si ferma a l'Ammaculata,
La festa finisci cu nu grandi sparu
Cantandu tutti a Santu Roccu salutamu.
U cacciamu da San Nicola
U trasimu nt'Ammaculata
A genti vaci e o'basa a passu i sta sonata.
Iendu e venendu, chijovendu e nivicandu
San Roccu di la Francia a vui m'arraccumandu.