Accattari vurria na virrinedda
Di notti la to porta a spirtusari
E pi vìdiri gioiuzza mia quantu sì bella
Quannu ti spogghji prima di curcari
Ma timu ca tu fussi accussì bella
Ca l'occhji nun m'avissiru a 'nnurbari
Lassa la porta misa spaccatella
Ca eu stanotti ti vegnu a truvari
E na barcuzza banneri banneri
'Sta dia d'amuri ni vinni a purtari
Ridianu tutti li celesti sferi
Trimavanu li specchji di lu mari
E binidittu Diu ca ti manteni
C'accussi bella ti vozzi furmari
Spampinanu li hjuri unn'è ca veni
L'ariu tribulatu fa' sirinari
N'ndavia li trizzi di na Maddalena
'Ntesta si mmeritava na curuna
Di la to casa non ci sta lumerà
Lu lustru lu fai tu, stilla Diana
Catina chi mi teni 'ncatinatu
Catina chi 'ncatini l'arma mia
Beni ti vogghiu cchiù di lu me hjatu
Accussì criju chi vo' beni a mmia
Beni ti vogghiu cchiù di lu me hjatu
Accussì criju chi vo' beni a mmia
Catina chi mi teni 'ncatinatu
Catina chi 'ncatini l'arma mia
Beni ti vogghiu cchiù di lu me hjatu
Accussì criju chi vo' beni a mmia
Beni ti vogghiu cchiù di lu me hjatu
Accussì criju chi vo' beni a mmia
Catina chi mi teni 'ncatinatu
Catina chi 'ncatini l'arma mia
Beni ti vogghiu cchiù di lu me hjatu
Accussì criju chi vo' beni a mmia
Beni ti vogghiu cchiù di lu me hjatu
Accussì criju chi vo' beni a mmia