Vicinu a la vasciata di Bujizzi
Fora paisi arretu a 'na vineja
A filu di na cerza cu li frundi
E vitti na figghjiola tantu beja
Ti 'ncamminasti poi cu passi lenti
Cu nu sorrisu e mancu na parola
E mo passu li notti senza sonnu
Quandu la genti dormi e su vigghjianti
Quandu la scrittura si cunfundi
E si cunfundi cu la melodia
Faci tremari u cielu, a terra e u mari
Comu fici tremari a vita mia
Risbigghjiati memoria mia 'sta notti
Quandu i rumuri li senti cchjiu forti
'Narzura chi mi 'nchjiana di lu cori
Chi servi l'acqua si na' po mbiviri
Lu nostru amuri è forti e appasionatu
E ndi vidimma spessu nta stu locu
Lu matarazzu nu pratu di hjiuri
E lu soffittu nu celu stellatu
Vinni lu tempu poi di la spartenza
E la spartenza è sempri troppu amara
Restasti tu nta 'sta terra mia
Di tia mi resta na fotografia
Arzira un bell'adduri mi 'nzonnai
Vitti nu gigghju avanti all'occhj mei
E di 'ssu gigliu mi 'ndi nnamurai
Di ss'occhji belli e si trizzi niri
Quandu la scrittura si cunfundi
E si cunfundi cu la melodia
Faci tremari u cielu, a terra e u mari
Comu fici tremari a vita mia
Risbigghjiati memoria mia 'sta notti
Quandu i rumuri li senti cchjiu forti
'Narzura chi mi 'nchjiana di lu cori
Chi servi l'acqua si na' po mbiviri
E su tant'anni chi sugnu luntanu
Strudia a me vita nta terra strania
Di tia però non mi scordavi mai
Si sempri notti e jornu 'nta stu cori
Vorria jettari nu lignu 'nta mari
Di 'ccani u mi 'ndi vaju in Calavria
Mu viju se a me bella è viva o morta
E se viva o morta la portu cu mmia
Quandu la scrittura si cunfundi
E si cunfundi cu la melodia
Faci tremari u cielu, a terra e u mari
Comu fici tremari a vita mia
Risbigghjiati memoria mia 'sta notti
Quandu i rumuri li senti cchjiu forti
'Narzura chi mi 'nchjiana di lu cori
Chi servi l'acqua si na' po mbiviri