In die stad waar die mense jaag
Het ek Uil op 'n dak gewaar
Hy het geloer of die muise slaap
Toe ek wou weet wat hy daar bo maak
Oupa Uil op my bure se dak
Wat maak jy daar in die middel van die nag?
Oupa Uil wat hoe-hoe maak
Wat maak 'n uil in die middel van die stad?
Jy sal my nie glo as ek sê
Wat al die diere met my liefste oerwoud maak nie
In die woud is ek uitgebroei
In die woud het ek my vere gegroei
Maar die oerwoud word nou uitgeroei
En nou bly ek in die stad, ou Louis
Oupa Uil op my bure se dak
Hoe lyk die wêreld van jou kant af
O, van hier kan ek baie ver sien
Veral met twee baie groot oop oë
Oupa uil sien jy paashase
Sien jy dalk waar die tandfee skuil
O, van hier sien ek oral stad
Die feë bly almal in die groot oerwoud
Jy sal my nie glo as ek sê nie
Wat al die mense met my liefste oerwoud maak
In die woud is ek uitgebroei
In die woud het ek my vere gegroei
Maar die woud word nou uitgeroei
En nou bly ek in die stad, ou Louis
In die woud kan ek heel dag slaap
In die woud met almal praat
In die woud kan ek grappe maak
Sonder mense om my weg te jaag
In die woud is ek uitgebroei
In die woud het ek my vere gegroei
Maar die woud word nou uitgeroei
En nou bly ek in die stad, ou Louis
In die woud kan ek heel dag slaap
In die woud met almal praat
In die woud kan ek grappe maak
Sonder mense om my weg te jaag