Die son gaan stilstaan in die lug en swart brand teen die blou
Die maan se trane, strome bloed, sal rooi vloei in die grou
Die diere van die land en water en lug sal stilword en wetend kniel
En die ysingwekende besef dat die waarheid heeltyd daar was
Sal skeur deur die mensdom se siel
Die hemelruim gaan oopvou, die lig gaan verblindend wees
Eiegeregtelike dwase sal versteen stan en staar tussen lasteraars vol vrees
Biljoene gille, 'n koor van angs, sal die stem van die aarde word
Begelei deur die voeteval tussen oop donker grafte gapend in die grond
Die dag van woede en wraak
Die laaste bladsy in die raaiselverhaal
Die einde en begin van alles en niks
Amen
Die ewige oomblik waar die Antwoord verskyn
Die grenslose ruimte sal weerklink tot die glorie van die komende pyn
Die skeiding sal sonder seremonie begin
Die een kant hier, die ander kant daar
En die deur van jou brein gaan kraak in sy raam
Terwyl jy wag om te hoor of jy saamgaan of nie
Die einde en begin van alles en niks
Amen