Kishore Kumar Hits

Cuscenza - Monti gozzi şarkı sözleri

Sanatçı: Cuscenza

albüm: Da francà u mali


Di granitu splendurenti
Petra rossa cusì vechja
À l'iscontri di li venti
Induva lu soli si spechja
Milli foli è tisori
Da lu casteddu à lu stazzali
Trà pastori è signori
Quidda passata murtali
Locu cusì maestosu
Chì saluta la Gravona
Monti Gozzi luminosu
Dà un versu à sta canzona
♪
Quandu vena u timpurali
Si piatta cum'è l'aceddu
Ind'un nidu naturali
Cù i nuli pà manteddu
O lu monti di granitu
Guardianu di lu circondu
A l'eternu sempr'arrittu
Biddezza di lu me mondu
Locu cusì maestosu
Chì saluta la Gravona
Monti Gozzi luminosu
Dà un versu à sta canzona
♪
Tutti lochi quì vicinu
Ti salutani guardianu
Afà,Appiettu è l'aiaccinu
Ch'è tù vardii da supranu
Dolci hè lu chjam'è rispondi
Chè tù lampi pà sti sarri
E i cimi chì sò in fondu
Ti rispondani cù u mari
Locu cusì maestosu
Chì saluta la Gravona
Monti Gozzi luminosu
Dà un versu à sta canzona
Locu cusì maestosu
Chì saluta la Gravona
Monti Gozzi luminosu
Dà un versu à sta canzona

Поcмотреть все песни артиста

Sanatçının diğer albümleri

Benzer Sanatçılar