Dint"o vico d"a strafuttenza
Care 'o munno? E chi se ne fotte!
P"o catarro e pe l'influenza
'E ppastiglie so' 'e panzarotte!
Dint"o vico d"a strafuttenza
'A politica è gghiuta acito!
'O partito ca regne 'a panza...
è nu piatto 'e rraù cu 'e zite!
E 'a dummeneca d"e pparanze,
Scorre l'uoglio ca maje fernesce,
Dint"o vico d"a strafuttenza
Quanta vongole e fritt"e pesce!
Fra nu rèbbeto e na scadenza:
Magna tu ca magno pur'io!
Dint"o vico d"a strafuttenza
Te fa' rèbbeto pure Dio!
E stà meglio 'e nu Papa e stà meglio 'e nu Rre
Chi se piglia stà vita comm'è
E risponne: Che tengo 'a verè?
Dint"o vico d"a strafuttenza
Campa 'a legge 'e chi t"o ffa' fa'!
Quanta liette dint'a na stanza
Fino a quanno ce stà mammà.
Pure 'o figlio 'e donna Vicenza
Nun và 'a scola e chi se ne mporta?
Si int"o vico d"a strafuttenza
Nunn'abbasta nu piezzo 'e carta!
E nun serve chell'arca 'e scienza,
Pe chi allucca e nun fa' rummore,
Dint"o vico d"a strafuttenza
Pure 'a ciorta se fà 'a cuntrora!
Fra nu rèbbeto e na scadenza:
Magna tu ca magno pur'io!
Dint"o vico d"a strafuttenza
Scenne 'a cielo 'o panario 'e Dio!
E stà meglio 'e nu Papa e stà meglio 'e nu Rre
Chi se piglia stà vita comm'è
E risponne: Che tengo 'a verè?
A ccomme vene
A ccomme va!
A male e bene
Tira a ccampà!
Tiempe 'e tempesta
Po' ha ddà schiarà!
Farina e Festa...
Napule Na'!