سنة السبعة وتسعين
الحكي قبل الانتفاضة
ابوي بشرب قهوة عالريق
امي عاصرة ليموناضة
قامت ضوت التلفزيون
تشوف الرب بشو بتلانا
فجأة صيّح المذيع
ماتت الأميرة ديانا
صورة نفق وسيارة
سودا مطحّنة بباريس
عالشاشة أميرة شقرا بتضحك
جنبها ببكوا الإنجليز
أبصر ليش ما حدا بيعرف
نزلت دمعة من عين امي
ابوي انصدم من المنظر
وسألها مالك لي مهتمة؟
امي مسحت دمعتها
أخدت القهوة وعالمطبخ
ابوي وقف محلّه
حكى بهدوء مش إنّه صرّخ
جمّع كلشي بقلبه برد
قلها مالك بتبكي؟
انقتلت أميرة، للقرد
عقبال ما تلحقها الملكة
إحنا مين خرب بيوتنا
غير حكم جزيرة اللهجة
لازم كل مصيبة عندهن
عنّا إحنا تصفّي بهجة
إحنا مين خرب بيوتنا
غير حكم جزيرة اللهجة
لازم كل مصيبة عندهن
عنّا إحنا تصفّي بهجة
امي طنبرت معاها
خبطت بالمجلا الغلاي
قالتله انت شو في بصدرك
قلي قلب ولا حفّاي؟
تكهرب إشي بهاي اللحظة
إشي انبنج، إشي اندهش
فجأة من جبل الخشونة
تفتفت قدامنا زلمة هش
امي مفهمتش عحالها
ليش هيك حكت مع جوزها
ابوي حط عينه بالأرض
زي ولد وقعت منه البوظة
من هذاك اليوم ابوي
صار في عنده عادة جديدة
كل يوم عالفجر بفيق
قبل ما يطبعوا الجريدة
يقعد على حفة التخت
يصفنله هيك بالحيطان
يرفع إيديه للسقف
يدوّر عرب الأكوان
ويطلب بكل الخشوع
من محمد من يسوع
آمين
قبور السلالة المالكة تتنبّش
ملكة بريطانيا توقع عن الحصان وتتطبّش
مرّة كنا نشرب كاس
هيك عال Weekend بالبراد
سألته ليش ولا مرة سافر
قلّي فش زي لبلاد
امي دايماً تترجاه
يسافروا عند أخوها علندن
وهو ملزّق بكرسي الكيتر
قاعد بالحارة وعم برطن
ينق عاللحّام الي أسعاره فرمشيّة
ويقول عمال المجلس كلّها حراميّة
وإنّه بده يتشكّى
ينزل عند محامي بعكّا
وإنّه مش منطق كمان
معاشه يروح نصّه ضمان
قلتلّه روّقها يا زلمة
ضربنا كاس وقلّي صحة
ولّع سيجارة وصفن
يدخّن بين القحّة والقحّة
يمشي بإيده على الساس
يقلع عنّه عشب منبّت
يكت رطوبة عن الحيط
ويدعي عالملكة إليزابيت
أنا ضحكت؛ ضحك وراي
العرق لعب بالدوزان
سألني بتعرف انت بالحقيقة شو بده الإنسان؟
بدّه يختير عالمضمون؟
أنا عارف يكبر بأمان؟
قلّه أسكت أسكت كول هوا
قلنا بالجامعة وفهمان
إحنا خلقنا عشان نتمنّى
مهما جار الزمان
مهما الميزان تخربش
اليزابيث توقع عن الحصان تتطبّش
بالأوّل كانت زعلة
بعدين صارت قصّة
بعدين قلبت نكتة
ولا مرّة راحت الغصّة
كأنها عضفّة بحيرة
الغصّة امرأة لابسة أحمر
والبحيرة بيت صغير
المي بحيطانه بتتبخر
اتطلّعت لجوّا كانت امي
غافية قبال التلفزيون
فيّقتها تتنام بالغرفة
ضحكت قالت أريح هون
ابوي بعده قاعد برّا
أخذت كيس الغسيل
قلتلهن راجع على حيفا
فتحت الباب حسيته تقيل
سقت بالعتمة ضواو الشارع
تلمع صور الحزن العام
أسمع صوت الصمت اليومي
ألمس تفاصيل الغمام
سقت بالعتمة ضواو الشارع
تلمع صور الحزن العام
أسمع صوت الصمت اليومي
ألمس تفاصيل الغمام
وفجأة لاقيت حالي بتمنى
ينحرق قصر بكنغهام
وقبل ما أوعى للموضوع
قبل ما رد فعلي يتفسّر
تمنّيت الملكة اليزابيث توقع عن حصانها وتتطبش
فكرت راح أطلع غير
بس هياني صرت كبير
زي أبوي قاعد بتمنى
تنمحي كل أعمال شكسبير
تنحرق جريدة ال Sun
ومعها صفحات العري
ويبطل حدا يسمع شيلي
غناني Freddy Mercury
و Alice مترجعش من الحفرة
و Tony Blair تقرصه كوبرا
و Thatcher ست الحديد
تقوم من قبرا وندفنها من جديد
وينخصي كل صياد
قتل فيل بالسفاري
وامبراطوريّة ما بتغيب عنها الشمس
يوكلها الاحتباس الحراري
ويا نسيم الريح
إبقى قول للرشا
نشالله ال Beatles يندهكوا
عممرّ المشاة
نفتح كراج بال Tate Modern
محل حمص بال National Gallery
نطلب راس Arthur Balfour
يوصل عالبلد delivery
نضحك ع Rolling Stones
لما يرفعهن Sisyphus
سخنين تغلب Manchester
سبعة صفر عالخفيف
نهبّ عجال ب Downing Street
نخترعله أسماء جديدة
و Boris Johnson ال troll
نقبّع شعره بالعقيدة
ومثل بقصة ليلى الحمرا
نجيب صيّاد نياص بخفش
يلم حجار ويعبّيهن
ببطن Churchill أبو كرش
وممننساش نتمنّى
David Bowie يطلع عايش
Lilibet توقع عن الحصان
تطجّ عأرض مبلّطة شايش
تتطحن كل عظامها
ميساعدش لبلاتين
Bowie يشوف العظم طحين
يشمّه يفكّره كواكيين
نفتح كراج بال Tate Modern
محل حمص بال National Gallery
نطلب راس Arthur Balfour
يوصل ع البلد delivery
نضحك عال Rolling Stones
لما يرفعهن Sisyphus
سخنين تغلب Manchester
سبعة صفر عالخفيف
نهبّ عجال ب Downing street
نخترعله أسماء جديدة
و Boris Johnson ال troll
نقبّع شعره بالعقيدة
ومثل بقصة ليلى الحمرا
نجيب صيّاد نياص بخفش
يلم حجار ويعبّيهن
ببطن Churchill أبو كرش
وممننساش نتمنّى
Dived Bowie يطلع عايش
Lilibet توقع عن الحصان
تطجّ عأرض مبلّطة شايش
تتطحن كل عظامها
ميساعدش البلاتين
Bowie يشوف العظم طحين
يشمّه يفكّره كواكيين
قاعد عم بسكر لحالي
بالبار بجامعة SOAS
قال بسكّروا عالحدعش
عشرة ونص دقّوا الجرس
صرت أحكي مع ابوي
عن أصل العيلة والدولة
أقلّه يلا يابا صحّة
ضرب الجرس آخر جولة
بكرا منعمل كش ملك
العرش منوخذ ثارنا منّو
وترقع ضحكة عمّي Engels
وهو بتخت حامد سنّو
بهاد الوقت بنفس الساعة
كان ابوي عالبرندة
سألته امي وينتى يروحوا
يباركوا لأختها بكفر مندا
اتطلّع فيها مش طايق
قال لمّا تتوحّد إيرلندا
خبطته كف على كتفه وضحكتله يجي ينام حدّا