Ер си Джаны Джанэуи, ер си Джаныбэчэу
Сыпсэм кIырачыгъэри шхьакIэм укъэкIуагъ
Ер Хьабибэ дахэ, ар сиупсэлъыхъуа
УкъызыздэмыкIоджэ лыехэр зэошIэьы
Ер си Джаныбэчэуи сыпсэми кIырачыгъэр
ШхьакIо зышIомыгъэшIэуи шхьащыгъэзыежьы
Сэ осымыIуагъэуи шъуикъуаджэмэ къыуаIолIагъэхэр
КъыосIотэжьыныти сыпшIобзэгухьан
Мамыгъэты къуищымэ урякъонахьыкIа
Урякъо кIаса, урякъу тафэ
ШIупакIомэ яунэшхохэр ари чэе шIыпIа
Е чыпэ фыжьитIухэр щыхэоущэкIы
Хьауцэу мэъу пэритIухэр а уионшэкура
Ер шъхьакIэлъэныкъохэр щыхьарэу олъэшъу
ШIогъэ закъоу пхэлъыхэр уиджэрэзы гъэжъуакIа
Ер уикъэщэныгукIэ сыкъыбдэкIошъунэп
ШъхьакIоуи зышIомыгъэшIэуи шъхьащыгъэзыежьа
Ер, си Джаныбэчэуи, сыпсэм кIырачыгъа
Шы гущэм къыфэмычъахьырэр е си сэраишхуа
Ащ сихьакIэщышхохэр чыжьэу пэIудзыгъа
Мэлы шъитфы тиехэр е сIамыкIэмэ илъа
Ер Хьабибэ дахэ, лые гущэр зэошIэжьы
Мастэ гущэ зыгъэшъуерэр ра си Iапэлъапа
Е силъэе шIыгъэхэр а сомипшIы уаса
Е си IахъомбипшIыхэр алахьэм ихьакIа
Сыпфэмыщэшъуныджэ сыгуми сегъэгугъэ
Шы гущэу сызытесыр о зэрэягъана
Уанэу ащ телъыщтыхэр дышъэ хъэрахъ ишъа
Е сишхо-джэрышIэхэр жъогъобыны паплъа
О силъэрыгъитIори тыгъэхьажъум пэджэгуа
Си шыгъэджэгукIэми а укъыкIэхъопсэу
Мафэр къыокIугъэгущ, е пшъэшъэжъы дела
Цуахэрэ урамыр шым тыресэгъэтхъа
Зытэрезгъэтхъыгъэхэр илъэсы кэнауа
Ра уихьакIэщышхомэ сынямыгъэгъэсэу
Уи пщэрахьы кIасэхэр къыспэогъэгъокIа
А о уи лэгъунэми е сыкIырябгъащи
Пхъужъы дахэу кIэсыхэр накIэджэ къыкIэофа
Дэнагъоу сипэкIэкIитIори пкуашъо щыозгъэупхъуи
Лыехэр ЗэпшIэжьыгъа е, пшъэшъэжъы дел