Winna akken iččan d wuccen,
Amek yettru d umeksa?
Win akken ilḥan am uzrem
Yeẓra ɣef tɛebbuḍt yelḥa
Amek ilḥa?
Ameek ilḥa?
Ur zmireɣ ad awen-iniɣ amek ilḥa
Amek ilḥa?
Xas zemreɣ ad awen-iniɣ
Ulamek
Amek akka ad as-d-tafeḍ amek
Ma ulamek
Xas akken ad as-d-tafeḍ amek
Ulamek
Ma ulamek
Xas akken ad as-d-tafeḍ amek
Ulamek
Mi tufa tqabact afus
Tufa afus
D afus i t-id-ineǧren
Win i ineǧren
Win yenwan d anegzum itxuṣ
Ay txuṣ
Ad yerǧu ad as-d-ktilen
Wissen ansi?
Ur zmireɣ ad awen-iniɣ
Wissen ansi?
Ulamek
Amek akka ad as-d-tafeḍ amek
Ma ulamek
Xas akken ad as-d-tafeḍ amek
Ulamek
Yečča-tt yilem-is tzelleq
Ma ilaq ad tḥaz iẓuran
Ma yella unegzum ilaq
Dayen ilaq
Ad negzem d lǧiha yulwan
D tin yulwan
Teẓram fiḥel ad awen-iniɣ
Tin yulwan
Xas zemreɣ ad awen-iniɣ
Ulamek
Amek akka ad as-d-tafeḍ amek
Ma ulamek
Xas akken ad as-d-tafeḍ amek
Ulamek
Wwet imi-m gar teẓdiyin
Ḥader iles-im
Ma win turweḍ d inisi-m
Ma tmecḥeḍ-t tmecḥeḍ mmi-m, niɣ d mmim
Ma teǧǧiḍ-t d mmi-m daɣenni
Daɣenni
Ur zmireɣ ad awen iniɣ daɣenni
Daɣenni xas zemreɣ ad awen-iniɣ
Ulamek
Amek akka ad as-d-tafeḍ amek
Ulamek
Xas ad as-d-tafeḍ amek, ulamek
Wid ur neddukkel ara
S nnmara
S tmara ma ad mlilen
Ma mlalen
Wid ur nemsefham ara
Ur fhimen ara
Lemmer fehmen da ferqen
Mi ferqen
Ayen ferqen?
Teẓram fiḥel ad awen-iniɣ ayen ferqen
Ayen ferqen
Xas zemreɣ ad awen-iniɣ
Ulamek
Amek akka ad as-d-tafeḍ amek
Ma ulamek
Xas akken ad as-d-tafeḍ amek
Ulamek