Li pa gen papa ni manman li mal tete
Li san fanmi l'ap pase mizè'l mal trete
Se li'k lave, se li'k pase, se li'k graje kokoye
Li plede pase mizè o Bondye koto'w ye
Yo bat li san rezon di'l frekan lè'l pare kou
M dakò'l fè manje a men èske se li'k separe'l tou
Yo ba'l non gate Sentaniz yo rele'l ti mari
Yo pa ba'l manje diri
Sa yo ba'l sèlman ti mayi
Li tèlman TB fò'l ta fè radyografi
Li chaje riyèl nan pye'l tankou se kat geyografi
Li pa janm dòmi sou kabann
Li dòmi atè sou nat
Yo manje yo pa ba'l ladann
Lè yo razè se li yo bat
L'ap mal manje men se li'k fè timoun manje
Li pa'l lekòl se li'k mennen timoun lekòl
Yo pa peye'l grate chodyè se sa'l touche
Lè patwon sou lè swa se li l'al kouche
Podyab
Gad mizè'l tande kri'l gade jan l'ap soufri
Gad eta'l gad jan'l sal, gad kijan'l mal nouri
Sa fè'm maaal
Sa fè'm maaal
Sa fè'm maaal
Se li'k dòmi pi ta, se li'k leve pi to
Nan kay la on sèl moun ki renmen'l se sèl jeran Fito
Se li'k ba'l kòb pou'l achte savon pou'l lave kò'l
Si'l te gen mwayen l te ka ba'l kòb mete'l lekòl
Li tankou tout bourik sou mache
Li konn tout boutik tout mache
Yo galope'l tankou milèt yo di bourik fout mache
Yo pa vle'l gad televizyon, yo pa vle'l tande radyo
Li toujou okipe nan lave pase rad yo
Èske Bondye wè mizè li
Èske'l tande priyè li?
Kiyès k'ap di yon mo pou li
Kiyès k'ap vin sove li?
Ayisyen renmen maltrete timoun yo gen sa kòm mès
Yo pa vle'l ni li ni ekri men yo vle ba'l komès
Nan non Petion, Christophe, Toussaint
Nan non Dessalines
Sa s'on lòt ak endepandans rele'm Dessalines
M pase mesaj la pou li, m fè'l nan on mizik
Ou menm lè'w fin tande'm sou'w ka ede'l fè sa pou li
Gad mizè'l tande kri'l gade jan l'ap soufri
Gad eta'l gad jan'l sal, gad kijan'l mal nouri
Sa fè'm maaal
Sa fè'm maaal
Sa fè'm mal
(Kote manzè Sentaniz la?, kote ti vèrmin nan? li pa tande
M'ap rele li? kote tifi a? mèwiii, apò'w parèt ak de
Bòkè lwil sou bò dyòl ou? gad figi tifi a non)
Tout timoun merite pwoteksyon
Li temèt nwa blan san eksepsyon
F'on ti chita pou f'on ti refleksyon
Poze tèt ou kesyon on?
Lè'w maltrete'l èske'w byen aji
Si se pitit pa'w kòman'w tap reyaji?
Tout timoun merite respè
Si'w kwè nan sa m'ap di'w respè
Gad mizè'l tande kri'l gade jan l'ap soufri
Gad eta'l gad jan'l sal, gad kijan'l mal nouri
Sa fè'm maaal
Sa fè'm maaal
Sa fè'm maaal