اوکھا پندھ ہا پار دا
قاصد نہ آیا یار دا
شاکر اے پکا پک تھیں گئے
کچا ہا قول اقرار دا
دساں کہ تئیں ہجر دے تیر جھلنین
میری رت پی کے پئے دکھ درد پلنین
دساں کہ تئیں ہجر دے تیر جھلنین
پیا ہر کوئی وسدا اے وچ خوشیاں دے
تیری نت رئی کوشش جنگ دی
لا علم ریوں میرے درداں توں
میتھے موت رہی ڈنگ ڈنگ دی
میری آل اولاد تے کافی ہے
جیہڑی ہار ملی تیرے سنگ دی
یاسین دا چن آباد رہوے
آ رونق ویکھ ملنگ دی
میڈی آہ دا اثر توں ویکھ گھنسیں
سانول رکھیاں نوں
بے وس ہو پوسیں جداں ملسیں دکھیاں نوں
میری آہ دا اثر توں ویکھ گھنسیں
فلک توڑیں اے شعلے بھا دے بلنین
میری رت پی کے پئے دکھ درد پلنین
دساں کہ تئیں ہجر دے تیر جھلنین
تیری دید توں جگ دیدار کرے
آ راہ جا راہ جیدا رج بن پو
تھی شوقوں شاید طواف کراں
میرا کعبہ قبلہ حج بن پو
دکھی دکھ دیاں مثلاں پیش کرن
انصاف کریں تاں جج بن پو
پئی بسمل کل دی کل نبھسی
توں جو کجھ بندا ایں اج بن پو
داندے نوں پا پاندھا
ہن آ مل سجنا روح کلیاں نئی راہندا
میں ہر اک راہ آویندے راہی کوں پچھنا
کیہڑے موسم کوں پاروں لوک ولنین
مینڈی رت پی کے پئے دکھ درد پلنین
دساں کہ تئیں ہجر دے تیر جھلنین
تیری بلکل چپ حیران کیتم
راہندا اکثر میں مغموم آں
کر ہجر جگر تے کار گیائے
ہر نعمت توں محروم آں
سر کم دیموں وادیاں تہاڈیاں دی
اجاں میں کوئی چن معصوم آں
جیدی قبر تے قبضہ غیر دا ہے
یاسین میں اوہ مظلوم آں
تارا گول ہے سے
توواں میرا نئی بنیا پئی ہر شے کول ہے سے
توواں میرا نؤں بنیا پئی ہر شے کول ہے سے
جداں سکھ دی میں چادر تان سوساں
پچھانوے دس مصیبت تیرے ڈھلنین
مینڈی رت پی کے پئے دکھ درد پلنین
دساں کہ تئیں ہجر دے تیر جھلنین
جیتھوں تنگ ہاؤں مگروں لیہہ گئے نی
ٹر گلیاں وچ سج دھج کے
میں جان چھڑائی ہے کڑمے توں
دس ہر کیں نوں بھج بھج کے
دو گز کپڑے دی گل کائی نائی
ٹوریں ہا میت غریب نوں کج کے
توڑے ریاض نشانی تیری نوں
وچ قبر دے چمدا رج کے
ساوے گھاہ ماہیا
جیندیاں نئی ملیا توڑے قبر تے آ ماہیا
ایو پچھی آ میرے دلبر توں قاصد
دسا کہ تئیں میرے خط تینوں جھلنین
مینڈی رت پی کے پئے دکھ درد پلنین
دساں کہ تئیں ہجر دے تیر جھلنین