شام دا زندان
رت روون آلے امامِ سجاد
رت پونجھن آلی بھین سکینہ دا جنازہ
کڑیاں آلے ہتھاں تے رسیاں آلی بھین دا جنازہ
علی دیاں دھیاں دا ماتم
امامِ سجاد ہک قدم چئیندن ہر بی بی وین کر کے آدھی اے
وا محمد آ
کوئی بی بی آدھی اے واہ علی آ
کوئی بی بی آدھی اے ہائے سجاد ہائے شام
میڈے امام سجاد شام دی ہک گلی دا موڑ وَلّن
کڑیاں آلے ہتھاں تے کڑیاں آلی بھین دا جنازہ
امام سجاد علیہ سلام دا خون ودھیا
شام دے لوگ امام آلے پاسے ڈیکھ کے ہسدن
ہس ہس کے آدھن کون اے ہتھاں تے کیڑھی شائے چئی ودا اے
امامِ سجاد رت رو کے آدھن
میکوں لوگو سجاد آدھن
میں موئی ہوئی بھین چئی وینداں
اے گٹھڑی نہیں ، جنازہ ہے
تے ہاں دے نال لائی وینداں
میڈے امام سجاد شام دے صدر بازار اچ آ ئین
لوک سامنے آ کے آدھن کون ئیی کیندا جنازہ ہتھاں تے ئیی
جنازے دا نام آئے
سید الساجدین دا خون ودھیا اے
امام رَت رو کے آدھن
مسافر ہاں مدینے دا میتھے اتنی غریبی اے
کفن دی جاء سکینہ کوں اوہا چولا پوائی وینداں
غریباں آلا قبرستان
امام سجاد علیہ سلام بھین نوں قبر اچ لہائے
قبر اچوں دو سوہنے سوہنے ہتھ باہر آ ئین
ہولے ہولے آواز آئے
"سجاد بھین دا جنازہ میکوں ڈے"
میں اکبر آں علی آں
اکبر دا نام آیا میڈے امام دا خون ودھیااے
اکبر دا وین آئے سجاد بھین دے کفن کوں رووندا ایں؟
نہیں اکبر
بھین دیاں قیداں کوں رووندا ایں ؟
نہیں اکبر
وطن یاد آئے؟ سید آدھے نہیں اکبر ،
اکبر دا آواز آئے آدھے کیڑھی گل کوں رووندا ایں
بھین دا میت اکبر دے ہتھاں تے رکھ کے
سید الساجدین آدھن
کوئی قیدی جے مر ونجے اوندے زیور لہائے ویندن
انہاں رسیاں تے کڑیاں نال بھین اپنی سمائی وینداں
بھین دی قبر بنائی
امام سجاد بھین دی قبر دی سرہاندیوں باھے کہ خون پئے رووندن
سید آدھے باقر لعل 1545 میل اچ مدد نہیں منگی
سید آدھے میری مدد کر میرے نال پھپھی دی قبر دا نشان مِٹوا
امام محمد باقر آدھن کیوں بابا؟
سید رو کے آدھے
خداوندا گواہ راہویں ریی اے ڈردی شمعر کولوں
متاں اینکوں او آ مارے نشانی تاں مٹائی وینداں
میکوں لوگو سجاد آدھن میں موئی ہوئی بھین چئی وےناں
سید الساجدین ، محمد باقر العلوم
میری سائین سکینہ دی قبر تے بَھے گئین
پیو پتراں جو ارادہ کیتئے جو رل کے میڈی سائین دی قبر دا نشان مِٹاون
جیڑھے ویلے نشان مٹاون دا ارادہ کیتائے
میڈی سائین دی قبر ہَل گئی اے
سید آدھے سکینہ! قبر اچ بے آرام کیوں ایں
بی بی آدھی اے سجاد!
1500 میل رُلی آں کجھ نہیں منگیا
سید آدھے سکینہ! منگ میں ڈے واں
اس ایلے میڈی سائین آدھی اے شام دے بازار اچ مریندے رہئین
میں کجھ نہیں منگیا
بی بی آدھی اے انہاں اوتھے ٹررایا اے جتھے اُٹھ نہ ہن ٹُر سنگدے
بی بی آدھی اے سجاد میڈو ڈیکھ میڈے کن زخمی
میڈی کنڈ زخمی میڈے پیر زخمی
سید آدھے منگ میں ڈیواں اج وی میں سجاد آں
جڈاں آکھیا کجھ منگ میں ڈیواں
میڈی سائین سکینہ دی قبر ہلی اے
رو کے پئی آدھی اے پورے راہ کجھ نہیں منگیا
ہک بھین تے منت لا
شالا تیڈا باقر جیوے
ایہو جئی گل میڈی سائین نے کیتی اے جو
پیو پتر میڈی سائین سکینہ دی قبر تے جھنڑ پئے
جھنڑدی ہوئی جاء تے رو کے آدھی اے
شالا باقر جیوی کڈاہیں تاں توں وس پووسئیں
سید آدھے منگ کیا منگنی ایں
قبر اچوں میڈی سائین دی چیخ نکلی اے
بھرا دو مخاطب ہو کے میڈی سائین نے فرمایا
لُٹ شامِ غریباں مِل پووی مِل پوون چُولے اصغر دے
میڈی قبر دے وچ توں رکھ چھوڑیں نالے سہرے میڈے اکبر دے
محشر تائیں میں چُمدی راہساں
بن بھین اے منت کریندی ہاں