För gwössi Kriminalfäll hei si bir Polizei
E ganze bsundre Fahnder, de Kommisär vo May
S'isch eine wo sofort merkt wenn är Füür gseht dass es brönnt
Wo wenn d Pischtolä glade esch weiss das sie los goh chönnt
Doch är esch ned versässe druf Verbrächer zfoh, oh nei!
Nid de Kommisär vo May
Wenn är e Fall hed suechter, gäng dert wo är nüt fendt
Well ehm drom das d'Idee, sösch dörenander brengt
Mer muess sech psychologisch driversänke findet är,
Met Spure ond bewise z'operiere esch ned schwär
Be mer zellt halt d Methode no, nid de Erfolg allei
Seit de Kommisär vo May
Wenn är en Züge usfragt, de weiss dä nie genau
Was är vo ehm wott wösse, doch das esch nämlech schlau
Zwar är erfahrt so ou nüt doch das laht ihn onberüehrt,
Deför merkt desse ned das är en ontersuechig füehrt.
Und wenner das wörd merke de erchlöpfti är doch fein
Meint de Kommisär vo May
Wenn är muess rapportiere, de schribter im Rapport
Vo däm won är drin ufschribt, gar nie es böses Wort
Dä heit das gäld zwar gstohle, doch das müesst me au verstah
Dä heig ja i sim Auto no kei Autoradio gha.
So öppis aber choschti höt ja gäge tuusig Stei
Schribt de Kommisär vo May
Kes Wonder, dass de Vorwurf gmacht werd vo gwösse Lüüt
Met settige Methode erreicht mer eifach nüt
Ich cha das ned verstah seit är denn wennis anders miech
Denn wäri doch als Polizischt en unagnähme siech!
I weiss ou gar nid was die lüüt gäge d Verbrächer hei
Das esch de Kommisär vo May.