I schänke dir mis Härz
Meh han i nid
Du chasch es ha, we dä wosch
Es isch es guets
U es git no mängi, wos würd näh,
Aber dir würdis gäh
D szene isch ä chlini Bar
Irgenwo i dere Stadt
Und i bsteue ä Whisky
Hocke irgendwo ab
Wos ke Platz u luege so chli ume
Wär so umänang hocket
Aber kenne tuä-ni niemer hie inne
Überall hocke Lüt
Hinger de Schampus-Chüble
Geng ä Frou u ne Typ
U nippe amne Flûte u hange angenang a
U rede öppis über nüt
U nume ig bi allei hie
U da wächslet ds'Liecht
Hie u da verschwinde wider zwöi irgendwo
U irgendeinisch geit hinde
Ä dunkublaue Vorhang uuf
Hinger em Vorhang hets ä Bühni
Uf dr Bühni steit ä Frou
Wo i dä Ungerhose irgendsone Show zeigt
♪
I luege so chli zue
♪
U i hocke so chli da
U gspüre plötzlech
Dass i irgendsone Hang ufem Chnöi ha
U dräie mi um
U näbe mir hocket eini
Woni nie voher ha gseh
U fragt, ob ig alleini sig
U sie sig ou allei
I söu nid überlege
I gfaui re no so
U si wöu eifach chli rede
Viellech sött i hie no säge
Sie gseht schön us
Sie isch ä schöni mit schöne, länge Haar
U klar bin i närvös worde
Klar han i drunke
U mit jedem Schlunk het sie mi no chli schöner afa dünke
U nach jedem Glas Champagner
Het sie gäng no eis wöue
I ha zaut u zaut
Bis i eifach nüm ha chönne
U ha gseit:"Hey,
Wei mer nid zu mir oder so?"
U sie het gseit:
"I chönnt di so verwöhne.
So ire haub Stung chönnti cho -
U jitz säg mer eifach numeno wiviu
Säg wiviu,
Wiviu gisch mer, wenn i chume?"
♪
Refrain: (4x)
I schänke dir mis Härz meh han i nid
Du chasch es ha, we de wosch
Es isch es guets und es git
No mängi, wos würd näh
Aber dir würd is gä