Mit Chips und Migrosiistee i eusne Ruckseck drinn
Am skate hinterem Denner 24 7 mit dir
Und ich ha det na nöd glaubt dass äs nöd immer so bliebt
Dass du ines paar Jahr nüme so glücklich chasch si
Und wo din Dad sich s'Läbe gnoh hät
Händ du und ich nie drüber gredt
Ich han nöd gwüsst wie demit umgah
Und wie dunkels i dir usgseht
Wie dunkels i dir usgseht
Und wänn di Alte wieder schwärmed vo vergangne Ziite
Wird jedes mal wieder chli klarer wie schnäll alles verbi gaht
Und wänn mir sälber irgendwänn mal brüeled
Es segi nüt me so wie früener
Denn meined mir nüt anders nüt anders als jetzt
Als hüt und jetzt
Abem Chindsgi bis id Seck mir unzertrännlich immer zämme gsi
Die erste Drinks di erste Zigis s'erst mal grollt und zämme kifft
Di beste Fründe um eus di coolsti Gäng i eusem Kaff
Mir händ soviel zämme erläbt i dänne viel z'churze 9 Jahr
Niemals hetti denkt dass ich all zämme ersch dänn wieder gsehn
Wänn du fählsch und mir eus träffed zum vo dir Abschied näh
Es letschts mal Abschied näh
Und wänn di Alte wieder schwärmed vo vergangne Ziite
Wird jedes mal wieder chli klarer wie schnäll alles verbi gaht
Und wänn mir sälber irgendwänn mal brüeled
Es segi nüt me so wie früener
Denn meined mir nüt anders nüt anders als jetzt
Als hüt und jetzt
Es isch crazy wie schnäll dassmer sich usenand läbt
Und mer sich nummena gseht
Numme dänn wenn mer Schwarz treit
Es isch crazy wie schnäll dassmer sich usenand läbt
Numme wenigi Jahr und eus tränned Wälte
Und hetschs mer gseit
Ich hets nöd glaubt wie schnäll sich alls cha ändre
Wie schnäll en Tag chan z'Änd gah
Mich ändlich eimal bi dir z'mälde
Hani z'lang verhängt gha alls wär alles für immer
Als hetti nüt es Änd da
Jetzt isches z'spaat ich weiss
Lug du bisch wäg und alles was bliebt
Isch d'Erinnerig a dich
Drumm sägi jetzt machs guet für immer
Ich dänk na öppe die a dich
Wo immer du au bisch