Immer wider um di glychi zyt
Hock ig im Zuug richtig weste
Dä Zuug isch 300 Meter läng, aber
I bi genau dört wo gester
Di glyche Lüt am Outomat
Wo ihri Billiet poste
U äbä si, woni immer gseh
Im Zuug vis a vis
Richtig Oste.
Zwöi Schibe us Panzerglas
Oder eml so dass si häbe
Verhindere jedes Wort u glych
Wotti geng öppis säge
I ha nonie ihri Ouge gseh
Ke chlyne Blick i mini Richtig
Aber t Houbtsach isch
Si hocket dert, alles andere isch nid wichtig
Wine Flöige a dr Wand
Chläbi fest a dr Schibe
I wett i hätt ä Lippestift woni chönnt
Spiegelschrift schribe
Äs riise grosses rosa Härz wär
Hie nid übertribe
U i weiss weni ihre wär i würdi
Für immer u ewig blybe
U wider bini um di glychi Zyt
I däm Zug richtig weste
Dr Zuug wird immer lenger
Wi die Zyt sit gester
I hoffe jede morge äs bitzi meh
Das üsi Blicke sech finde
Was gäbi für 'ne chlyne Momänt
Wo üs würd verbinde
I warte druf das t Schibe bricht
U I mi äntlech überwinde
Wine Flöige a dr Wand
Chläbi fest a dr Schibe
I wett i hätt ä Lippestift woni chönnt
Spiegelschrift schribe
Äs riise grosses rosa Härz wär
Hie nid übertribe
U i weiss weni ihre wär i würdi
Für immer u ewig blybe
I ha mi Muet mal zäme gno
Stige i zuug gäge Oste
I ha mi vill z'lang gwehrt drgäge aber
Weds nid wagsch, was wosch de?
Itz bini da, woni immer bi
Nume uf dr andere Site
U dert woni immer ghocket bi
Da gsehni si
(Mmh yea, yea)
Da gsehni sii
Wine Flöige a dr Wand
Chläbt si fescht a dr Schibe
I ihrer Hand ä Lippestift wo si cha
Spiegelschrift schribe
Si malt äs riise grosses Härz, uni i weiss
Sisch nid übertribe.
U i weiss we ig bi ihre wär i würdi
Für immer u ewig blybe
(Uuuhhh)
U i weiss we ig bi ihre wär i würdi
Für immer blybe
(Uuhhh)
U i weiss we ig bi ihre wär i würdi
Für immer u ewig blybe