Manman m jije vi sa w pa t dwe prete m ni
Koz sa pouse w stasyone vi w on kote w te dwe pete mi
Ou wè w patap ka travèse ou te dwe koupe pon yo
Aksyon yo te ba w kèk alam ou te dwe koute son yo
Jodia m wè nan ki nivo w santi w lou lè w paka aleje m
Men e sèl ou k te konn fè m santi m moun lè lòt t ap agrese m
M konn itwa w m konn tò w m konn regrè w yo
On senp regaw poze sou mwen pèmèt mwen konte pè w yo
Men pa enkyete w ca va aller
M pa gen diplòm m espere rap mennen m kote m pat ka ale
M ap kenbe kap la menm le tanpèt vle chanje profil lan
M espere on jou m a va ofri w vi w te vle ofiri m nan
Annatandan map kite tan pase
Met istwa m chita menm le ban an kase
Eseye padone eseye avanse
Konpanse tout sam paka ranplase
Sa e pou genitè a
Mèsi kanmèm paske w pa t rache manyòk ou kite tè a
Men w te gandi m nan vyolans nan tou sans mo a angaje
M pa bliye vizaj mother a ak mak kou w anba je l
Mvle di w Ou pa on modèl pou mwen
Si jodia w rekolte kolè m e paske w te plante l sou mwen
Aksyon w yo fè m wè w se jus on timoun men k chaje laj
M eseye padone w men pou ou nan kè m chaje raj
Jiskounya m gen du mal pou m rive aksepte
Ke w pa ede pitit ou moute pou w ka toujou rabese l
M deja gen aparans ou m aksepte l menm si l pa nan gou m
Pi gwo kochma m se si on lè m ta papa pou m ta tankou w
Annatandan map kite tan pase
Met istwam chita menm le ban an kase
Eseye padone eseye avanse
Konpanse tout sam paka ranplase
Sa e pou pi gran yo
Vi familyal lan te flòbòp e se nou k peye pri dan yo
Lè m remonte m wè tout pase n ansanm se t on desant
Vers on bann relasyon emosyonèlman k san eskanp
Lè m pran rekil M fè on vue d ansanm
M konprann ke n te grandi menm kote men n pa t grandi asanm
Maladwatman lanmou m pou nou sere nan kè m nan on ti sakòch
Pi gwo regrè m se ke de lwen de nou youn m pa pwòch
Annatandan map kite plan trase
Met istwa n chita menm lè ban an kase
Eseye padone eseye avanse
Konpanse tout sa m paka ranplase
Annatandan map kite tan pase
Met istwam chita menm le ban an kase
Eseye padone eseye avanse
Konpanse tout sam paka ranplase