De Sunn schaut traurig und miad
Der Nebel druckt schwer auf mei G'miat
Da Tag is eisig und da Wind saukalt
Und es Jahr is schon elf Monat oit
Vor'm Stephansdom tan's demonstrier'n
Drinnen bet'n und knie'n
Lieber Gott, rette den Wald
Und es Jahr is schon elf Monat oit
Den elten elften feiern d'Narr'n
De ganze Welt red't nur vom spar'n
De Rechten werd'n rechts überhoit
Und es Jahr is schon elf Monat oit
De große Stadt is gnadenlos
Und auf de Straß'n wachst da Hass
Dawäul de Zeit mei Leb'n frisst
Hoff i, dass du mi net vergisst
I schupf des Liad als Luftballon
Zu dir, häng mi aun's Telefon
Und sag, pass auf, kumm faung
Und hoit's guat Fest, waunn's geht
An Sommer laung
Am Gürtel fadisier'n si d'Hurn
De Maurer hab'n nix mehr zum tuan
Kriag'n no amoi a Gehoit
Und es Jahr is schon elf Monat oit
Da letzte Greißler, der is g'storb'n
Heut haun's eam owe in de Gruab'n
A Kindersarg reicht für sei G'stoit
Und es Jahr is schon elf Monat oit
Vor der Uni a Student
Hat si öffentlich verbrennt
Sei Stipendium verfallt
Und es Jahr is schon elf Monat oit
De große Stadt wird niemals satt
Sie nimmt, bis dass ma nix mehr hat
Kaunnst dei Miete nimmer zahl'n
Spielst net amoi a Nebenroll'n
Da Vorhaung fallt, de Show is aus
Zum allerletzten Mal Applaus
Daunn kumm zu mir, i faung
Di auf und halt di fest
A Leb'n laung
De Bam hab'n ihre Blattl'n verlor'n
A Rentner is daham dafror'n
Sobald da erste Schnee owafallt
Is es Jahr g'rad elf Monat oit
Waunn de Kinder si g'freun
Und aun's Christkind'l schreib'n
Wäul Weihnacht'n kommt boid
Daunn is es Jahr schon elf Monat oit
Ja und da fallt ma no ein
Hast du so gaunz nebenbei
Deine Schuld'n bei mir net zahlt
Und es Jahr is schon elf Monat oit