Unlängst bin i zu der oidn Frau
De wohnt vis a vis von unsam Haus
Im Kölla untn
Waunn sie bei ihrm winzign
Fensterl ausseschaut
Siechts de Fiaß von de Leit
De wos obn vurbeigengan
I hob dreimoi aunklopft
Und sie hot gsogt
Kummans nur eina
Kummans nur eina
In ihrm Zimmer wor's gaunz düster
Laungsaum hob i de Tür zuagmocht
Wos fia a G'fühl
So finsta und stüll
Moch deine Augn zua
Wos fia a G'fühl
So finsta und stüll
Moch de Augn zua
Und stöll da des vua
Kennt ma net a bisserl a
Licht mochn, hob i g'sogt
Darauf hot sie a Kerzn aunzündt
Und aufn Tisch g'stöllt
Do is a Gloskugl g'staundn
De hot zum glitzern
Und zum funkln aung'faungt
Schau amoi eine
Schau doch amoi eine
Des hob i g'mocht
So laung, bis i g'merkt hob
Dass i oisa gaunza
In da Kugl vaschwind
Wos fia a G'fühl
So finsta und stüll
Moch deine Augn zua
Wos fia a G'fühl
So finsta und stüll
Moch de Augn zua
Und stöll da des vua
Sowas gibt's net
Hob i ma denkt
Des muass a Tram sein
Hob mi fest in de Waungan zwickt
Und g'merkt i bin munta
Wos moch i jetzt
I kaunn doch net in da Kugl bleibn
Vielleicht hört mi wer
Waunn i aun de Waund klopf
Beim drittn Moi klopfen
Do hob i des G'fühl g'hobt
Dass wer de Kugl aufhebt
Mit seiner Haund d'rüba streicht
So, ois woitn ma de Finga sogn
Brauchst ka Aungst hobn
Do bin i ruhig wordn
Hob mi niedag'setzt
Und de Augn zuag'mocht
Wos fia a G'fühl
So finsta und stüll
Moch deine Augn zua
Wos fia a G'fühl
So finsta und stüll
Moch de Augn zua
Wos fia a G'fühl
So finsta und stüll
Moch deine Augn zua
Wos fia a G'fühl
So finsta und stüll
Moch de Augn zua
Wos fia a G'fühl
So finsta und stüll
Moch deine Augn zua