عيد حسابك مو كل فعل قبله قول
عيد حسابك الهدوء نتيجة الصوت
عيد حسابك مو كل تحت إله فوق
عيد حسابك الغرور مصدره الخوف
عيوننا مختلفة فلا تقرر عن حدا
في ناس بتحب اللعب الحلو اكتر من الهدف
لو بتهمك
النتيجة اكتر من السبب
فالحب عملياً شفقة
والكره شغف
الراب عشيقتي لي عم خون حياتي معها
فليكسي
٢٢ ساعة جامعة ٣٠ ساعة عمل
لو بدي سمي الألبوم هادا متل ما انشغل
ليصح التعبير ويربرب
سميته استراحة غداً
وهون صبيت التعب
باطون ببطن الساعة ١٢
ولحتى صب قلعت العين لي ببطن ال صعب
فسهّلت
بعيون منافسيني الليركس
وفزت عحالي
وأهّلت حروفي للسمع
بس لو سمي الألبوم متل ما انكتب
لدفعت الانانية
بعدا سميته تمن
او لو سمي الألبوم حسب المحتوى
ف مليان وقت وسكوت
دهب (الله عليك)
عيد حسابك مو كل فعل قبله قول
عيد حسابك الهدوء نتيجة الصوت
عيد حسابك مو كل تحت إله فوق
عيد حسابك الغرور مصدره الخوف
ساد الحزن
ف بتقلب بين عاطفة وفجور
ركضت الليل شفت نجوم الضهر
فبعاصر الجنون
لازم اقتل سطور
ف ديدلاينات من هون وديدلاينات
دون تعظيم اجر للشهود
او شكر سعي للحضور
لحالك والجو برود
شي عاصفة وشي هدوء
ما عاش لي ما تقبل الموت
ف استمتع بالسقوط
(الرجاء ربط الاحزمة والتشبث سننتقل إلى أعظم خشوع لتغير الطقوس) تششش حوّل
لو سمي الألبوم حسب الظروف
لسميته طيارة ورق أو يمكن باراشوت
بس لو سمي الألبوم هادا حسب الظنون لعصيت لكواعي وللركب
وسميتك جنوب
بوم بوم بوم بوم
بوم بوم
اعتبرا تحية او غمزة ما قبل السقطة
او خلل بالصفوف
او اعتبرا كيف ما بدك
هاد مو تراك ولا البوم
انا بس خايف
وهاد اقلاع عن الهبوط
عيد حسابك مو كل فعل قبله قول
عيد حسابك الهدوء نتيجة الصوت
عيد حسابك مو كل تحت إله فوق
عيد حسابك الغرور مصدره الخوف