Yeṭṭef-iyi ɛawaz si temẓi
Ar ass-a yid-i
Mačči d yiwet id-yettasen
Γas tilufa n zik-nni
Mačči n wass-agi
Usant-d tid nniḍen
Lukan i teshel tɣersi
Lexyaḍa ur txeddem ccɣel-is
Lukan mi yebda yiɣisi
Ur d aɣ-yeṣɛab ulsaq-is
Lemmer mačči d inisi
Tafunast ad tzux s mmi-s
Win ur nefhim
Leqraya ulac id-as-texdem
Uli is-texdem
Leqraya i win ur nefhim
Ay aḥbib zzem iman-ik
Ma akken i nettwali i tettwaliḍ
Ma tufiḍ di leḥsab-ik
D acu i d sebba n leɣlaḍ
Acimi, fkaɣd ṛṛay-ik
Mi nɛetteb ɛebban wiyaḍ
A taqbaylit
Mi d-nuki texreb-aɣ targit
Texreb-aɣ targit
Asmi id-nuki a taqbaylit
Wa yefhem la yettɛeggiḍ
Ur yufi anwa ad as-yeslen
Wa yettazzal ass d yiḍ
Lexsas yemdel as allen
Wa ur yeḥwaǧ win ara iɣiḍ
Ur yelli kra it-ixussen
Wa yessawal, wa yettɣawal
Wa zḥer-is la ad-as-d-yettnawal
Wa yessawal, wa yettazzal
Wa yewwi lfayda si ccwal
Wa yettel iles-is di tsusmi
Ur yeẓri ttwab ilaqen
Wa yeqbel azaglu yeɣli
Yettraǧu mi ad as-ḍelqen
Wa yettqaraɛ di tili
Ad yenser uqbel ad as-faqen
Wa yeggugem, wa yefka udem
Wa yenfa yeɛya si lhemm
Wa yefka udem, wayeḍ yewhem
Wa iɛreq-as d acu ara yexdem
A yul-iw henni iman-ik
Berka-k aḥezzeb n umɣar
Kkes leqyud i ṛṛay-ik
Tanfeḍ-as ad yemenṭar
Wid tettlumuḍ d atmaten-ik
Ur yelli ansi ad d-terreḍ ttaṛ
Σeggeḍ neɣ qqim
Kra tugiḍ la d-yettleqqim
La d-yettleqqim
Kra tugiḍ ɛeggeḍ neɣ qqim