Lo Fantastí
Ieu crenti pas las fantasiás
Del Fantastí. Que me farà?
Me trufi de sas mascariás
Amb mon pal lo farai dançar. (bis)
♪
Un jorn per una carrièira
D'un masatge del canton
Trapèri una molinièira
Que se fasiá de morron
Me diguèt: "A la molina
Quicòm vira pas redond
Lo Fantastí m'imagini
Es a nos jogar un torn."
Sauti sus la petroleta
M'encamini d'aquel latz
E al son de ma gauleta
Te fau dançar lo diablàs
Tica tica tica teca
Tica tica tica ta...
♪
Un jorn per una montanha
D'un país plan luènh d'aicí
Trapèri una paura aranha
Qu'aviá vist lo Fantastí
Me diguèt: "Me cèrce brega
Ma tèla val pas res mai
M'i aurà escampat de pega
Non sabi cossí farai"
♪
Un bon jorn per la fenèstra
D'un tot pichot ostalon
Vegèri una paura mèstra
Que repassava sas leiçons
Me diguèt: "Dins mon escòla
Demòra pas cap d'enfantons
Lo Fantastí e sa còla
Nos an gitat un sorcelon..."
♪
Un jorn per una ensalada
Trapèri un escagaròl
Tot toisse dins la panada
Qu'èra mièg mòrt e mièg fòl
Me diguèt: "Para l'aurelha
Lo Fantastí ven de passar
Amb de savon de Marselha
Pòdi pas mai avançar..."