En l'air la colline st gilles
Dan mon ti caz dan soleil
Moin na un ti cochon
Un gros mal mani
Deux, trois volaill cou plumé
Un ti cabri
Le jour mi plant mon pied bred
Choux t' chine avec bred morel
Pou fraichi la bouche moin nana papaye
Deux, trois pied piment pou fé mon rougail
Po donne le goût poisson d'ail
Mi sa va la pêche flambeau
Po atten la lune tombe dan l'eau
Avant que mi rale un ti mégot
Mi sa va la pêche la nuit
Po essay souk zourit
Sa lé plus dur qu'pêche bichique
Quand soleil tomb su la mer
Quand ti zoiseau blanc fé la prière
Mi sen la rive mon l'heur po alé
Ramasse tout mon train po alé péché
Mon 32 ek mon moresse
Mon fouine avec mon kabaï
Mon sac vacoua mon chapeau la paille
Mon boit d'zalumett ek mon cigarette
La pa besoin tramaille
Coté l'hermitage
Mi arrive
Dan sab su la plage
Mi assise
Mi commence arrange mon flambeau
Ramasse de bois filaos
Mon dalon garçon toto la rive ek bertel
La pêche i s'ra bel
Bordage la pass st gilles
Deux flambeau té qui danse su la mer
Deux zetoil la d'scen po war
Si la mer st gilles lé toujours gaillard
La trouv pêcheur flambeau
Alors la préfère rest coté d' l'eau
C'est com ça qu'la la mer la embrasse le ciel
Com zézèr nénère en lune de miel
C'est ça la pêche flambeau
Là ba la pass st gilles
Deux flambeau té qui danse su la mer
Deux zetoil la d'scen po war
Si la mer st gilles lé toujours gaillard
La trouv pêcheur flambeau
Alors la préfère rest coté d' l'eau
C'est com ça qu'la la mer la embrasse le ciel
Com zézèr nénère en lune de miel
C'est ça la pêche flambeau
C'est com ça qu'la la mer la embrasse le ciel
Com zézèr nénère en lune de miel
C'est ça la pêche flambeau
C'est ça la pêche flambeau
C'est ça la pêche flambeau