Mi oz ékrir pou di aou
Ou la koz in délir dan mon vi depwi k'mwin la vi aou
Mon pasion intans lé byin violan
Mwin noré ral in violon ne-serès pou in n'instan
Mé pétèt ou noré mal pri
Ou noré trouv amwin prétansie, Sandout ou noré pa konpri
Mé vyin lir dan mon zie, lamour lé présie
Mi réspékt aou pou mwin lamour lé pa in je
Mon bann paj lé in refuj
Dan loséan lamour na tro loraj na tro déluj
Mé out zimaj lé étansh, li mouy pa, li bril pa
Minm sou la pli sé aou ké mi pans
La nwit, le jour mi ékrir
Mi rod in lékritir, pli joli, pli pir
Pou transfér mon lamour dan out kér sofi
La nwit, lé jour mi ékrir
Mi rod in lékritir, pli joli, pli pir, Pli matir pou ou!
Mi yinmré konprann out défo
Mi dézir vréman trouv lo mo i fo
Pou ou ékout mon joli kozé
Out prénon manmzèl, konm in lakwarèl, dan mon poézi
Ozé
Ozé, ozé, mi vé d'la proz pou mwin oz kozé
Mé mon lodas éman lé mal dozé
E mi rokil, lamour i bouskil
E mi artonm dan mon frénézi
Mi koné ou lé frajil, non! mi vé pa blès out pider
Mon limajinèr lé fértil,
Pou ou li yinm invant télman n'poinm sibtil
Mi vé byin èt out souf doulèr
Mi vé sérv aou toultan
Et out zèsklav pou lontan
Ma shwazi lo pli joli bouké flér
Ma tir mon roulér Ma dia ou tout dann in fonnkér
La nwit, le jour mi ékrir
Mi rod in lékritir, pli joli, pli pir
Pou transfér mon lamour dan out kér sofi
La nwit, lé jour mi ékrir
Mi rod in lékritir, pli joli, pli pir, Pli matir pou ou!
Mi poz in madrigal,
Minm an kréol, sou zétwal
La line lavé konséy amwin,
"Vomié mi konféksione in barkarol"
Minmsi la pwin veniz, mon bann paz i anbraz
Ma ésèy fé rèv aou, alanvi, fé k'out vi lé in
Lékstaz
Mi of aou tandrès, poézi, ivrès é fantézi,
Mi of aou tout pa bezwin shwazi
An n'atandan veniz, ma aminn aou in swar, glis ofil dolo
Si la plaz troudo,
Dosou filao, do ré fa sol si do
Si é si selman out kér lé konsantan
Mwin na in kér inonsan,
Lamour lé ankor dédan
Minmsi lé insansé, lé pa indésan
Ou lé le sel manmzèl mwin noré télman émé émé...
Mwin noré tèlman émé émé émé
La nwit, le jour mi ékrir
Mi rod in lékritir, pli joli, pli pir
Pou transfér mon lamour dan out kér sofi
La nwit, lé jour mi ékrir
Mi rod in lékritir, pli joli, pli pir, Pli matir pou ou!
Depwi toujour, mi ékrir
Sé ou mon litératir
E mi rèv fitir
Mon sel linspirasion, joliyès inéfab Sofi,
Mi vé trouv in zistwar pou nou ékrir Nout dé ou!