Solèy la bwar la riviér
Ryink in baobab dann dézér
Ravine fine sèk, la vi la i atris
Sésrès la lès zépïng kaktis
Minm pa in bout la rasine maniok sonz
Minm pa in gout la rozé si fèy sonz
Kap lo ros la bar la riviér
Vilaz kadav dann la mizér
Kadav i tas dann Kalkita
Kont pi kantité lé an ta
Kadav i tas dann Kalkita
Rouvér lo kér! doné! kalkil pa!
Kadav i tas dann Kalkita
Kont pi kantité lé an ta
Kadav i tas dann Kalkita
Rouvér lo kér! doné! kalkil pa!
La famine i asasine bann fami, na pi manzé!
La famine i asasine bann fami, na dmoun an danzé!
La famine i asasine bann fami, na sèy sanzé!
La famine i asasine bann fami, na yink dmoun, non, na pi zétranzé!
Kwasa kwasa la bwar la mér
La mér la manz kwasa kwasa
La kapot lo kanot la mizér
Z'la sov isi pou alé ousa?
Batan n'si batan n'lam bato i plonz
Kwasa la i sa rann lam, koul an léponz
Kwasa kwasa la bwar la mér
La kapot lo kanot la mizér
Marmay la fin an zouan
Marmay i krèv dann Anzouan
La po si lo zo anzouan
Léstilo si lo kér pou Anzouan
La famine i asasine bann fami, na pi manzé!
La famine i asasine bann fami, na dmoun an danzé!
La famine i asasine bann fami, na sèy sanzé!
La famine i asasine bann fami, na yink dmoun, non, na pi zétranzé!
La mor i kour dann Darfour
Kadav i pouri touratour
Dmoun i dav si dav mouramour
La mor i kour for dann Darfour
La famine i asasine bann fami, na pi manzé!
La famine i asasine bann fami, na dmoun an danzé!
La famine i asasine bann fami, na sèy sanzé!
La famine i asasine bann fami, na yink dmoun, non, na pi zétranzé!
Di amwin koman
Na fé in vi dann tourman
Di amwin koman
Na fé in vi dann tourman
Di amwin koman
Na fé in vi dann tourman
Di amwin koman
Na fé in vi dann tourman
Rouvér lo kér souplé
Asé èk la priyér saplé
Rouvér lo kér souplé
Asé èk la priyér saplé