Dokter Watjes help mie toch, ik veul mie toch zo slecht
De leu doot zo onaardig en dat zit mie in de weg
Ik krieg kneupe in de maag en mien hart is zwoar as lood
Plak er toch een pleister op en zeg: 't kump wa good.'
He-j tevöl Xenofobie en een tekort an tolerantie?
Noa één consult van DW ku-j wier probleemloos op vakantie
He'j 't met de oor'n, of bu-j akelig kort van zicht?
Goa d'r met noar DW, den wet vast woar dat an ligt
Ku-j neet good teeg'n kleuren moar ku-j wa discrimineer'n?
Loat oe deur de dokter dan met leefde injecteer'n
Kiek ie op 'n aander neer um zien kleding of gedrag?
Dokter Watjes hef opium veur volk van ieder slag
Bun ie aait oneerlijk en bast ie hoast van het leeg'n?
Met ' n kwakjen zalf van DW ku-j d'r zo wier teeg'n
He-j 'n lech in de oog'n da-j 'n aander niet gunt
Dokter Watjes blif an 't berre, totda-j wier better bunt
Dreait de weald alleen um oe en bu-j doar mangs duuzelig van?
De dokter hölt oe in de bene, doar kun ie van op an
Is ow eagen letter het enige dat telt?
Zeg es A teeg'n Dokter Watjes, dan komt B en C vanzölf
Stoa ie boaven iedereen, moar blik 't eenzaam aan de top
DW houwt oe daal en doarnoa lapt hij oe wier op
Ku-j niks van 'n aander he'm deur oene lange teene?
Dokter Watjes wet wa road, hij amputeert ze een veur eene.