دقت الدلوكة قلنا الدنيا ما زالت بخير
أهو ناس تعرس وتنبسط
(ناسا تعرس وتنبسط)
تككت في الراكوبة بالحنقوقة سروالي الطويل
سويتلو رقعات في الوسط
(سوالو رقعات في الوسط)
دقت الدلوكة قلنا الدنيا ما زالت بخير
أهو ناس تعرس وتنبسط
(ناسا تعرس وتنبسط)
تككت في الراكوبة بالحنقوقة سروالي الطويل
سويتلو رقعات في الوسط
(سوالو رقعات في الوسط)
في خشمي ختيت القميص
أجري وأزبد شوق وأنط
(يجري ويزبد شوق ينط)
أجري وأزبد شوق وأنط
(يجري ويزبد شوق ينط)
لامن دخلت الحفلة فجيت الخلوق
وركزت شان البت سعاد
(البت سعاد البت سعاد البت سعاد)
ما أصلي عارف إنها
(ما أصلو عارف جنها)
في زولا يركز وينستر
وبرضي عارف إنها
(وبرضو عارف إنها)
لو كل زول في الحلة بالسترة انجلد
ياني الأزاها وجنها
(ياهو الأزاها وجنها)
ياني الأزاها وجنها
(ياهو الأزاها وجنها)
وركزت
وركزت للحرقة المشت فوق الضلوع
تحت الجلد
لميت مشاعري مرقت عن طرف البلد
آآآه
وودرت جد
(وودرت جد)
وأنا جاي راجع منتهي لاقتني هي قالت لي
(تعال تعال)
كبرت كراعي من الفرح نص في الأرض نص في النعال
(كبرت كراعو من الفرح نص في الأرض نص في النعال)
كبرت كراعي من الفرح نص في الأرض نص في النعال
(كبرت كراعو من الفرح نص في الأرض نص في النعال)
الله أكبر (يا معافرة يا مدافرة يا جهاد)
الله اكبر (يا معافرة يا مدافرة يا جهاد)
هي يا سعاد. هي يا سعاد
(علي ود سكينة الكلتي في خشمو الرماد)
هي يا سعاد. هي سعاد
(علي ود سكينة الكلتي في خشمو الرماد)
هي يا سعاد. هي يا سعاد
(علي ود سكينة المات أسى)
وأنا بت ملاك
منعول هواي ان كنت أرضى أعرسها
(هي يا سعاد هي يا سعاد)
أنا يا سعاد. آه يا سعاد
وكتين تطلي سحابة رقصت الدعاش
(آه يا سعاد. آه يا سعاد)
بفرش علي روحي ويجيك زولا هلك تعبان وطاش
(آه يا سعاد. آه يا سعاد)
وكتين أشوفك ببقى زول فرشولو فرش الموت وعاش
(آه يا سعاد. آه يا سعاد)
وكتين تطلي سحابة ترقصي للدعاش
(آه يا سعاد. آه يا سعاد)
بفرش على روحي وبجيك زولا هلك تعبان وطاش
(آه يا سعاد. آه يا سعاد)
وكتين أشوفك ببقى زول فرشولو فرش الموت وعاش
(آه يا سعاد. آه يا سعاد)
آه يا سعاد. آه يا سعاد
قالت سعاد
بطل كلام الجرسة أنجض يا ولد
طقيت مشاعري مرقت عند طرف البلد
وودرت جد (وودرت جد)
أذنت في الشوق والسلم
أذنت في الشوك والسلم
ووقفت للأمل البكر
ورقدت في الألم الحكر
أذنت في الشوك والسلم
ووقفت للأمل البكر
ورقدت في الألم الحكر
وحلمت زي شايلني وسط الزحمة نبي الله الخدر
صحاهو صوت العمدة قال
مسؤول كبير زاير البلد
قبال يهل قبال يصل
لازم تقيفو صفوف صفوف وتهيجو الخلا بالكفوف
وتقولو عاش يحي البطل
سامعيني ولا أقول كمان؟
مسؤول كبييير زاير البلد
قبال يهل قبال يصل
لازم تقيفو صفوف صفوف وتهيجو الخلا بالكفوف
وتقولو عاش يحي البطل
سامعيني ولا أقول كمان؟
قت ليهو يا عمدة اختشي
(قال ليهو يا عمدة اختشي)
قت ليه يا العمدة اختشي
(قال ليه يا عمدة اختشي)
مسؤول كبير في الحلة غير الله انعدم
(مسؤول كبير في الحلة غير الله انعدم)
مسؤول كبير في الحلة غير الله انعدم
(مسؤول كبير في الحلة غير الله انعدم)
ما شفنا زول سكت جهال ما شفنا زول رضع بهم
(ما شفنا زول سكت جهال ما شفنا زول رضع بهم)
ما شفنا زول لتخ تيابو وجانا من طرف البلد
(ما شفنا زول لتخ تيابو وجانا من طرف البلد)
بقيت مشاعري مرقت عند طرف البلد
آآآآه
وودرت جد
(وودرت جد)
وأنا جايي راجع أجهجهو
لاقاني هو سايق العساكر بالحراب
(سايق العساكر بالحراب)
وأنا جايي راجع أجهجهو
لاقاني هو سايق العساكر بالحراب
(سايق العساكر بالحراب)
ضاقت نعالي من الزعل
من تحتها أتململ تراب
(ضاقت نعالو من الزعل
من تحتها اتململ تراب)
ضاقت نعالي من الزعل
من تحتها اتململ تراب
(ضاقت نعالو من الزعل
من تحتها اتململ تراب)
وضراعي زي داير يجن
والجوف يطقطق بالكلام
(وضراعو زي داير يجن
والجوف يطقطق بالكلام)
قبال يقولو لي سلام
ختوني في قعر السجن
(ختوهو في قعر السجن)
ختوني في قعر السجن
(ختوهو في قعر السجن)
ان شاء الله ما تضوقو السجن
(ختوهو في قعر السجن)
ان شاء الله ما تضوقو السجن
(ختوهو في قعر السجن)
حصلني قبل اليوم يتم
جارنا المدرس ود خدوم
قال لي لا زولا هتف
ولا كف مشت بتلاقي كف
(قال ليهو لا زولا هتف ولا كف مشت بتلاقي كف)
قال لي لا زولا هتف
ولا كف مشت بتلاقي كف
(قال ليهو لا زولا هتف ولا كف مشت بتلاقي كف)