Eu sò urfanellu d'un'idea persa, d'un'idea
Stanca, d'un tempu luntanu
Eu sò urfanellu di stu ghjornu d'austu quandu
A rivolta hè nata in u dulori
Di sta ghjenti scunisciuti omini è donni di stu
Paisanu rittu mughjendu a so rabbia
Eiu sò urfanellu d'un'idea persa, d'un'idea
Stanca, d'un tempu luntanu
Eu sò urfanellu d'un focu ardenti di u lumu
Nucenti chì accendi u bughju
Eu sò l'urfanellu di u ventu sinceru chì soffia
Annat'à brusta di a verità
Ma ch'hà da sbuccià oghji di stu raghju
Quandu a timpesta fu l'omu hè duvintatu
Scemu
Socu l'urfanellu d'un focu ardenti di u lumu
Nucenti chì accendi u bughju
Ma quandi u soli si ciotta in mari l'oscurità
Porta l'angoscia
Un ti spavintà dumani vultarà stu ghjornu
Novu è a so chjarora
U raghju caldu d'un'idea santa
Eu sò urfanellu d'un populu addupiatu
Smintichendu u so stintu i so radichi prufundi
Eu sò urfanellu d'una storia scuzzulata di
Battaglie datti è di tanti feriti
D'omini spariti vistuti d'unestità chì purtaiani
In cori tamant'umanità
Socu l'urfanellu d'un populu addupiatu
Smintichendu u so stintu i so radichi prufundi
Eu sò l'urfanellu di st'alti muntagni fasciati di
Biancu spusata di u celu
Eu sò urfanellu di sti piani verdi cuparti di
Richezza mirenda di Diu
Eu sò l'urfanellu di sta tarra è stu mari lacata
A u stranieru pà u so piaceri
Socu l'urfanellu di st'alti muntagni sti vaddi
Sti piani stu chjosu abbandunatu
Ma quandi u soli si ciotta in mari l'oscurità
Porta l'angoscia
Un ti spavintà dumani vultarà stu ghjornu
Novu è a so chjarora
U raghju caldu d'un'idea santa
E a so chjarura raghju caldu di a libertà