بصارة بصارة
رجعت البصارة، رجعت من مشوارها
بصارة
♪
طليتي من بعد غياب يا أهلا وسهلا فيكِ
هالرجعة عاملا حساب مستني تحاكيكي
مستني الدقة عالباب حتى اطلع لاقيكي
بالمسبحة والجلباب والشملة البتغطيكي
صرتي من أوفى الاحباب بينتي من ماضيكي
فتحتي بالتبصير كتاب صرتي بأسراري شريكة
كشفتيني كل الأسباب واللي فيكِ مكفيكي
عملتيلي للعين حجاب وعين المولى تحميكي
خفت عليكِ من الإعجاب وصرت بدوري ارقيكي
صفى في عندي سرساب تشوفك يا بصارة
ويلي هور يا أبو الهوارة يا ديني شو هالبصارة
سمتلي كل الأبراج وراحت ترويلي أخبارا
♪
قالت يا أسمر عم ضل اسأل عنك ما شوفك
ويقولولي مبارح فل، أهل الديرة وضيوفك
سايح متل البدر تهل والغربة ما بتعوفك
وعليها بالفن تحل تطربها بنظم حروفك
تسعى تمشي ما بتمل وحتى تأمن مصروفك
تحملا باسم الكل وغصون الأرزة بكفوفك
واللبناني بكل محل مش رح ينسى معروفك
يفرح لما عليه تطل وتغنيله لهوارة
ويلي هور يا أبو الهوارة يا ديني شو هالبصارة
سمتلي كل الأبراج وراحت ترويلي أخبارا
♪
ما بنسى كل الأسرار البينتيها بفنجاني
كانت موثوقة الأخبار كنتِ فيها عرفانة
كأنه عندك رادار بيلقطها عالعميانة
وبيتحكم بالطيار ويضوي خط الأمانة
قلتي المستمعين كتار وياما حفظولي غناني
بالخمس نجوم الزوار هاجوا بساحة ميداني
رقاصة داير من دار وعينا فيي سكرانة
من صوتي هز الزنار وخلخالا والأسوارة
ويلي هور يا أبو الهوارة يا ديني شو هالبصارة
سمتلي كل الأبراج وراحت ترويلي أخبارا
♪
ردت قالت يا ابن الناس حسادك هني هني
كتار وما عندن إحساس بغاروا لما تغني
خصوصي بحفلات الأعراس والزفة عند الحنة
موالك بيعبي الراس يفتح أبواب الجنة
والناس بطبعا أجناس بتهني وما بتهني
من صدرك شيل الوسواس لا تعمل طنة ورنة
للحاسد ما تحط قياس ولا تقله قرب مني
ولا تشرب من ايده الكاس يعطلك المرارة
ويلي هور يا أبو الهوارة يا ديني شو هالبصارة
سمتلي كل الأبراج وراحت ترويلي أخبارا
ويلي هور يا أبو الهوارة يا ديني شو هالبصارة
سمتلي كل الأبراج وراحت ترويلي أخبارا