Toj roob hauv pes dawb paug
Nplooj ntoos zeeg tas
Lub ncaij ntuj no
Ib xyoo dhau los
Kuv tau ntsib nws ntawm no
Rov txog lub ncaij
Noj peb caug
Tus ntxhais luag dhia luag ntxhis
Es tseem tshuav kuv tsis zoo li luag
Tsis muaj ib tug khub
Koj tau hais rau kuv
Tias yog muaj ib hnub
Yog muaj txoj hmoov
Tias wb yuav tau los nyob
Los nyob ua ke mus tag ib txhim
Toj roob hauv pes ntsuab xiab
Dej ntws huv si
Mi kab mi noog
Quaj zus zub
Ncaij ntuj sov rov los txog
Dhau ib tog xyoo lawm tsis hnov koj hmoo
Koj nyob li cas
Kuv mi nplooj sia
Thov xa xov tuaj
Koj puas nco kuv lawm nas
Koj tau hais rau kuv
Tias yog muaj ib hnub
Yog muaj txoj hmoov
Tias wb yuav tau los nyob
Los nyob ua ke mus tag ib txhim
Koj, koj puas tseem nco
Koj puas tseem nco txog kuv lawm nas