Tenei au he tangata
He tupua he tangata mana tonu
Kua puare nga tatau
I tikitiki o rangi
He atua he tangata huatau
Mai o te orokohanganga
No roto I te Kawa Hono o te ao turoa
Poua te iho a tua
Ki te uma a papatuanuku
Taku toi whenua
E takoto mai nei e
Nei toku mahuna
E hua ai te mahara
Ka titiro, ka rongo, ka ngongo
I te kakara ka puta te kupu
Manawa whakaroto
Manawa whakawaho
Nei oku ringaringa
Ka raupa te mahi, ka hopu, ka hoatu, ka manaaki I te tangata
A mahia te Mahi ano nei ko ko e
Nei toku tinana, toku pa kaha e
Nei oku waewae
Ka kawea I taku hanga ka kawe I a ahau kia
Tu tangata tonu
He takoha ra enei na toku Atua
Kia tutuki I a ahau
Ana I tohutohu
Kia angitu
Kia angitu
Kia angitu I te ao
Kei kawea ketia enei taonga takoha tuku iho
Ki te whakawiri
Ki te tukino
I a ha ha I te hunga e arohatia ana
Ki te wahine ka whai kia hikoi ngatahi
I taku taha tonu
Ki nga tamariki
Ka riro mai kia atawhaitia
Kia kauaka taku mata taku reo
Aku ringaringa
Taku tinana,
Aku waewae
E hapainga I te
Riri ka pai ki te hunga
E whirinaki mai ana
Ko au to ratau totara
No ratau taku aroha
Mo ratau aku
Manaakitanga
Ko toku tinana
Hei pa tuwatawata mo ratau
I nga wa o te kino o te raru
O nga mea ka tupono mai e ta
Noku tenei whanau
Nei aku takoha
Nei aku takoha
Nei aku takoha
Hei rakau papatu
I o matau hoariri e
Nei aku takoha hei rakau pa patu
I taku whanau ranei
Hei takoha ranei mo aku hoariri
E kore e kore e kore au e whakaae
E kore e kore e kore e pera
Mo mua e mua mo muri. e muri hi
Aue e Te Atua ko koe toku kaha
Aue e Te Atua ko koe hei pa kaha moku
Tuturu whakamaua kia tina, tina, huie taeki e