Ma d awal
Kul yiwen yessen amek a-t-imsel
Akken ad icebbeḥ iman-is
Ma d timsal
S wawal arkel ad tent-ndel
Ad iɣil lmal d ikef-is
Ay aḥbib ttxil-k mel-iyi
Ma d allaɣ-iw i tent-yuɣen
Kečč idderen yal ass akkid-i
Tezriḍ d acu iɣ-d-isaḥen
Tezriḍ amεic tezriḍ tidet
Tezriḍ ur nectaq lemṛaṛ
Tezriḍ mi tettwagzem twaṛdet
Twalaḍ idim mi yemmar
Twalaḍ tilelli mi tuffeg
Deg afriwen-is tegla s talwit
Twalaḍ times mi tenfufed
Ssuregen-as yemdanen zzit
Mi tewweḍ d ajajiḥ meqqren
Yal wa yessired ifassen-is
Iseffeḍ ɣer wid nniḍen
Yettgalla laεmeṛ yumis
Twalaḍ lḥeṛs mi d-iteddu
Tḥedreḍ yerẓa-d tiwwura
Simal leḥḥuɣ i tettquccu
Yal wa ad t-id-taweḍ nnuba
Wid xfifen a-ten-an rewlen
Wa ar temdint wa ar umadaɣ
Refden arkwel ibeckiḍen
Yettɣiḍ wi iṛuḥen d ademmaε
Teḥṣel tidett ger tkerkas
Tefruri lğehd-is yerreẓ
Amzun d taqeṭṭit ger tuɣmas
Yal yiwen amek ida tt-ifeẓẓ
Tebrek nnan-aɣ-d d temlel
Mi nsuɣ ur nefṛiz ara
Nnan-aɣ-id iẓri-nwen yedderɣel
Neɣ ihi tewwi-ken tnafa
Imi awal
Kul yiwen issen amek ad a-t-imsel
Akken ad icebbeḥ iman-is
Ma d timsal timsal
S wawal d i nnan akk a-tent-ndel
Ad iɣil lmal d ikef-is