Amzun d afriw di lexrif
Neɣ d aclim yewwi wasif
Taṛwiḥt-iw ad d-tettiẓẓif
Nṭerreɣ
Ufiɣ-d iman-iw di rrif
Xedmeɣ neɣ qqimeɣ kifkif
Ad d-yettnicci fell-i lḥif
Ugadeɣ
Ssawleɣ
Ulac win i d-yerran awal
Tɣesbem akk tesεam lecɣal
Teğğam-iyi weḥd-i di ṭṭlam
Ssawleɣ
Ttrağuɣ yettεeddi lḥal
Nekk εyiɣ, netta mazal
Afus-nwen ur t-id-tefkam
Anfet-iyi kan
Mačči d ṣṣwab i xuṣṣeɣ
Neɣ d tiselbi i selbeɣ
Deg iɣuraf n zzman i ḥeṣleɣ
D tawaɣit
S ufus-iw ur d-uğiweɣ
Yal tilufa ttqabaleɣ
Ma mačči di zzheṛ i tent-uɣeɣ
D ddunit
Ssawleɣ
Ulac wi d-yerran awal
Tɣesbem akk tesεam lecɣal
Teğğam-iyi weḥd-i di ṭṭlam
Ssawleɣ
Ttrağuɣ yettεeddi lḥal
Nekk εyiɣ, netta mazal
Afus-nwen ur t-id-tefkam
Anfet-iyi kan
Ziɣ d awal i ken-iεemren
Di litteε kan i tzemrem
Mi d-tewweḍ tegnit yeṣṣḍen
Txemtem
Tettugadem ɣur-i ad d-temmuqlem
Ad yexṣer lxaṭer-nwen
Terram akk iman-nwen
Ur teεlimem
Ssawleɣ
Ulac wi d-yerran awal
Tɣesbem akk tesεam lecɣal
Teğğam-iyi weḥd-i di ṭṭlam
Ssawleɣ
Ttrağuɣ yettεeddi lḥal
Nekk εyiɣ, netta mazal
Afus-nwen ur t-id-tefkam
Anfet-iyi kan