Kishore Kumar Hits

Ali Amran - Ufigh Ur Ufigh şarkı sözleri

Sanatçı: Ali Amran

albüm: Tidyanin


Ufiɣ aṣurdi ur nefli
Aṣurdi ur nefli
Mi ṯ-ṣerrfeɣ ad d-yawi ḵteṛ
Fell-i yettemnenni cci
Yettemnenni cci
Ɣef umɛic ifukk uḥebbeṛ
Rriɣ-tt i zzehwa d tirni
Lxalat, tissit
Leɛqel-iw yezga isufeṛ
A lbext-inu
Ufiɣ lalla-s n tullas
Lalla-s n tullas
D aggur mi ara d-yeflali
Wi ẓran-tt imenna-tt d ayla-s
Imenna-tt d ayla-s
Sser terna ṯamusni
Ma d nekk i isummṯen taɣma-s
Ṛwiɣ lemwansa-s
Ṯettuɣ zzher ay sɛiɣ
A lbext-inu
Ufiɣ
Ufiɣ ayen yugaren aya
Ufiɣ
Iman-iw ur tufiɣ ara
Ufiɣ leḥbab d rreḥma
Leḥbab d rreḥma
Ufiɣ-ten ḏeg wass, ḏeg yiḍ
Yal ma neqqim d tameɣra
Ass-nni d tameɣra
Awal ẓiḏen a yettfeggiḍ
Tikwal xas agraw yeḥma
S ccqayeq n taḍṣa
Ikeccem-iyi-d uṣemmiḍ
A lbext-inu
Ufiɣ
Ufiɣ ayen yugaren aya
Ufiɣ
Iman-iw ur tufiɣ ara
Ufiɣ aman n tala
Aman n tala
Wid-n ɣef i neqqren idurar
Win ṯen-yeswan ad d-yettḥaya
Ḏin ad yettḥaya
Sseɣzafen ḏeg leɛmeṛ
Swiɣ alarmi qebreɣ
Almi ccucfeɣ
Faḏ yugi ad yettaxer
A lbext-inu
Ufiɣ
Ufiɣ ayen yugaren aya
Ufiɣ
Imaniw ur tufiɣ ara
Ufiɣ
Ufiɣ ayen yugaren aya
Ufiɣ
Imaniw ur tufiɣ ara

Поcмотреть все песни артиста

Sanatçının diğer albümleri

Benzer Sanatçılar