Jamen Åge,
Dæj klåek* do håer der på din arm, er det intj en nytj do hår fåt?
Ak jo, bette Ida, a fæek dæj i goer, å dæj goer skanemæ* godt.
Men det er heller intj såntj hilt almindelig klåek
For dæj ka så mø, det er gråev*.
Ja, dæj ka håel te å døek me', hves det ska væer
Nier te fæem hujjer meter våej*.
Jamen Åge, hvornæer er do da bejønt, me' såntj å vil te å døek?
Arh, do væ da a aldrig hår hvået åjjer*
Våej, så bejøjer min øer såntj å trøek.
Det var noe dar stu i dæj annonce a løest*
I jet å ugeblåen.
Dar stu osse, at såntj en klåek, som dæj her
Dæj er berænt te å go me' på Måen*.
Arh, mon intj hves do bløv skåt op* te
Måen, do vil blæes på, hva klokken dæj er?
Dar stu osse,
At dæj er gue te bjergbestigning,
Å te hva slavls spoet* det ska væer.
Dæj er osse gue, hves maj er rasertjyer*
Å hves maj er pilot.
Å såvidt a forstu, så goer åel stjanneren*
Me' dem i Hollywood.
Å her ka do sitj* hva klokken dæj er, hilt øvver i Tokyo
Ja, at noen i det hile tåe* ka laev såntj
En klåek, det er næsten intj te å forsto.
Do ka osse tro bette Ida, såntj en klåek dæj er dyer
Å det er dar intj noe a sæj te.
Jamen Åge, behøvve do såntj en maskien
Nær no do er i læer som kommi*?
*) Dæj klåek = den klokke
*) Skanemæ = sørme
*) Gråev = helt vildt
*) Våej = vand
*) Hvået åjjer = hovedet under
*) Løest = læste
*) Måen = Månen
*) Skåt op = skudt op
*) Hva slavls spoet = hvad slags sport
*) Rasertjyer = racerkører
*) Goer åel stjanneren = går alle stjernerne
*) Sitj = se
*) I det hile tåe = i det hele taget
*) "Kommis" (vendelbomål:
Kommi) er en ældre betegnelse for en
Ekspedient ved en købmand. Købmandsassistent.