Χριστός 'γεννέθεν χαρά σον κόσμον
Χα καλή ώρα καλή σου ημέρα
Χα καλό παιδίν οψέ 'γεννέθεν
Οψέ 'γεννέθεν κι ουρανοστάθεν
Τον εγέννεσεν η Παναΐα
Τον ενέστεσεν Αϊ-Παρθένος
Εκαβάλκεψεν χρυσόν πουλάρι
Κι εκατήβεν σο σταυροδρόμι
Σταυροδρόμι και μυροδρόμι
Έρπαξαν Ατόν οι χιλ' Εβραίοι
Χιλ' Εβραίοι και μυρ' Εβραίοι
Χιλ' Εβραίοι και μυρ' Εβραίοι
Ας ακρεντικά κι ας σην καρδίαν,
Αίμαν έσταξεν χολήν 'κι εφάνθεν
Ούμπαν έσταξεν και μύρος έτον
Μύρος έτον και μυρωδία
Εμυρίστεν ατό ο κόσμος όλεν,
Για μυρίστ' ατό και συ αφέντα μ'
Συ αφέντα, καλέ μ' αφέντα μ'
Έρθαν τη Χριστού τα παληκάρια
Και θυμίζ'νε τον νοικοκύρην
Νοικοκύρην και βασιλέαν
Δέβα σο ταρέζ' κι έλα σην πόρταν
Δως μας ούβας και λεφτοκάρυα
Κι αν ανοί'εις μας χαράν σην πόρτα σ'
Καλά Χριστούγεννα και εις έτη πολλά