Ich laufe i das Stadion, mitmä risä Turscht
Das isch also d Schützi, ich bruch e Wintiwurscht
Scho fanged all a schreie, n Spiller trifft de Pfoste
Ez bruchi gad es Bier, ich mein e rise grosses
Wäni schomal dabin, wirds Zit das träffed
Zit fürs Spiel, Sunntig und schöns Wätter
Sunebrülle Haldeguet, richtig so muens sii
Luege uf d Wise, gse nuno rot und wiis
Dä FCW günnt sowiso, ä wän de Schiri scheisse pfifft
All sind am flueche, und ich mach eifach mit
E roti für de Gägner, hütt günnt de wo turbo gitt
Penalty eisnull, so lauft das ide Superleague
S hätt erschgad es Goal geh, ez chunnt schos zweite
Wärend ich astah, zum go seiche
Zum Glück isch de Bierstand nöd wit eweg
Ich nimm gad no eis mit, ufm verbiweg
F oisi lüt, schreied F für Fuessball
C für de Klub, rotwisses Bluet man
W für Winterthur, fuscht id luft
FCW di Stadt brucht de Klub
Sisch huere gueti stimmig, hütt wird de gägner vorgfüert
Zum glück händ die alli, schnägge ade holzfüess
Würed anstat tschutte, lebers kino bsueche
Ziled ufs gool, und träffed d sirup kurve
Friede freiheit flanke,fans und mannschaft
Zäme simmer starch, so blibemer am ball
Profimässig angaschiert, wird de ball gspillt
Ich verschricke vom pfiff, aha etz isch halbzit
Apfiff judihui, zweiti helfti
Suech kollege sitm afang aber gses nid
Shätt eifach zvill lüt, ich luege bitz de match
Winterthur, macht schnitzeljaggt
Ich treum umenand, abglänkt vode bierkurve
Verpasse genau, s dünull mit spitzguuge
Haupsach iegschuflet, isch sowiso geil gsi
60igsti minute, vorentscheidig
F oisi lüt, schreied F für Fuessball
C für de Klub, rotwisses Bluet man
W für Winterthur, fuscht id luft
FCW di Stadt brucht de Klub
D vorfreud isch gross, s chochet ide räng
No eimal fäschte, morn wirds wider sträng
Ich ha lust uf bier, mir mönd no drü eis zahle
Zfrüe gfreut, ez is drüeis gfalle
Hoppla so isch das, am gägner sini finte
än schuss in chranz, we usere flinte
Die sind uf de lischte, voll fett am schwanz
Und winterthur steckt de chopf nöd in sand
S gaht nuno 2minute, bis d sensation komplett isch
D fanfraktion, vode andere versteckt sich
Händ gmerkt ihri jungs, di chrümmed kän finger
Aber im A, chasch das nüme bringe
Rise euforie, was isch das für n tag
E sicheri sach, de sieg isch nüm in gfahr
Nime gad n schnupf, da fallt s siegestor
Schowider verpasst, d schützi singt im chor
F oisi lüt, schreied F für Fuessball
C für de Klub, rotwisses Bluet man
W für Winterthur, fuscht id luft
FCW di Stadt brucht de Klub