ایڈا ظلم کیتو ای راہیں چھوڑ ڈتو ای
متھے کوئی الزام تاں ڈیندووں چھوڑ نہ ویندووں
باالفرض جے کوئی مجبوری ھاوی
مینوں کلہیاں بیہہ سمجھیندووں چھوڑ نہ ویندووں
لڑ چُھٹ ویندے کر چپ ویندے
وت بے شک کر کنڈ ویندووں زہر پیلیندووں
تھی ساہ بے وس دے ختم ویندے
پچھے غیر دی سیجھ سجیندووں جشن منیندووں
گھٹ زہر دا پیندا ہاں
گھٹ زہر دا پیندا ہاں
کلھ ماہی مل پوسی
اسے آس تے جیندا ہاں
نت دل کوں آدھا ہاں کل ماہی آسی
نت دل کوں آدھا ہاں کل ماہی آسی
بس اج دا ڈینہہ ہے
بس اج دا ڈینہہ ہے
کوئی ڈکھ نہ راہ سی
نت دل کوں آدھا ہاں کل ماہی آسی
کل ماہی آسی
کل سوہنا آسی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نت میں نویں گل تے دل کوں ویلینداں
ہِک بئے توں ودھ کے بہانے بنڑینداں
مِنتاں کرینداں تے قسماں وی چینداں
وت دل کوں آدھا ہاں کل ماہی آسی
کل ماہی آسی کل ماہی آسی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈینہہ جو ابُھردے آ راہ تے باھنداں
طعنے تے مہنڑیں لوکاں دے ساہنداں
دنیا کوں وسدا ڈیہدا جو راہنداں
وت دل کوں آدھا ہاں کل ماہی آسی
کل ماہی اسی کل ماہی آسی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جاں شام تھیندی ول گھر نوں میں وینداں
پلکاں تے ہنجواں دے ڈیوے بلینداں
گھر دے اندھاراں وچ یاداں گُلینداں
وت دل کوں آدھا ہاں کل ماہی آسی
کل ماہی اسی کل ماہی آسی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جاں رات ڈھلدی ترٹ آس ویندی
نیندر وی دل کوں دلاسے نئیں ڈیندی
تاراں دی جھل مل تن کوں سڑیندی
وت دل کوں آدھا ہاں کل ماہی آسی
بس اج دا ڈینہہ ہے
بس اج دا ڈینہہ ہے
کوئی ڈکھ نہ راہ سی
وت دل کوں آدھا ہاں کل ماہی آسی
نت دل کوں آدھا ہاں کل ماہی آسی
کل ماہی آسی کل ماہی آسی