یا کبیر، یا بصیر، یا رحیم، یا کریم
تو امیرِ حرم، میں فقیر عجم
تیرے گن اور یہ لب میں طلب ہی طلب
تو عطا ہی عطا، میں خطا ہی خطا
تو کجا من کجا، تو کجا من کجا
یا کبیر، یا بصیر، یا رحیم، یا کریم
تو ابد آفریں، میں ہوں دو چار پل
تو یقیں میں گماں، میں سخن تُو عمل
تو ابد آفریں، میں ہوں دو چار پل
تو یقیں میں گماں، میں سخن تُو عمل
تو ہے معصومیت، میں نری معصیت
تو کرم میں خطا، تو کجا من کجا
یا کبیر، یا بصیر، یا رحیم، یا کریم
تو ہے احرام انور باندھے ہوے
میں درودوں کی دستار باندھے ہوے
تو ہے احرام انور باندھے ہوے
میں درودوں کی دستار باندھے ہوے
کعبہ عشق تو، میں تیرے چار سو
تو اثر میں دعا، تو کجا من کجا
یا کبیر، یا بصیر، یا رحیم، یا کریم
تو حقیقت ہے میں صرف احساس ہوں
تو سمندر ہے میں بھٹکی ہوءی پیاس ہوں
تو حقیقت ہے میں صرف احساس ہوں
تو سمندر ہے میں بھٹکی ہوءی پیاس ہوں
میرا گھر خاک پر اور تیری رہگزر
سدرۃ المنتہیٰ، تو کجا من کجا
یا کبیر، یا بصیر، یا رحیم، یا کریم
میری ہر سانس تو خوں نچوڑے میرا
تیری رحمت مگر دل نہ توڑے میرا
میری ہر سانس تو خوں نچوڑے میرا
تیری رحمت مگر دل نہ توڑے میرا
کاسر ذات ہوں تیری خیرات ہوں
تو سخی میں گدا، تو کجا من کجا
یا کبیر، یا بصیر، یا رحیم، یا کریم
ڈگماوؔں جو حالات کے سامنے
آئے تیرا تصور مجھے تھامنے
ڈگماوؔں جو حالات کے سامنے
آئے تیرا تصور مجھے تھامنے
میری خوش قسمتی میں تیرا امتی
تو جزا میں رضا، تو کجا من کجا
یا کبیر، یا بصیر، یا رحیم، یا کریم
میرا ملبوس ہے پردہ پوشی تری
مجھ کو تابِ سخن دے خموشی تری
میرا ملبوس ہے پردہ پوشی تری
مجھ کو تابِ سخن دے خموشی تری
تو جلی میں خفی، تو اٹل میں نفی
تو صلہ میں گلہ، تو کجا من کجا
یا کبیر، یا بصیر، یا رحیم، یا کریم
ڈوریاں سامنے سے جو ہٹنے لگیں
جالیوں سے نگاہیں لپٹنے لگیں
ڈوریاں سامنے سے جو ہٹنے لگیں
جالیوں سے نگاہیں لپٹنے لگیں
آنسووؔں کی زباں ہو میری ترجماں
دل سے نکلے صدا، تو کجا من کجا
یا کبیر، یا بصیر، یا رحیم، یا کریم