كل الحكاية أننا عايشين حياة متلونة
على كل لون ممكن تكون بس الحكاية مكعبلة
حسب الظروف والمشكلة بتلاقي ناس متحولة
الصبح لون والظهر لون وادي يا سيدي الأمثلة
لو أنت ماشي يوم في حارة واللي قدامك عطل
بتشتموا بمليون عبارة ومن العصبية بتتهطل
لكن لو أنت في موقفه بتبقى عايزه يعذرك
يجي يواسيك ويزق فيك وفي النهاية يقطرك
واللي معدي بتشتموا ولو قدرت بترجموا
إزاي يعدي من قصاد عربية سيادة حضرتك
لكن لو أنت على الطريق ماشي بخطوة مدلعة
بتبقى مستغرب أوي الناس دي ليه متسربعة؟
حكمك عليا خليه عليك
حب لي يا أخي اللي أنت حبه ليك
دي هي دايرة وبتلف بيك
اللي أنت عملته فيا غيري هيعمله فيك
ماشي تعاكس في البنات بتحاول تلمس جسمها
بتصاحب دي وتحب دي من ورا أبوها وأمها
ولو في يوم بقى يا خفيف عرفت إن أختك زيها
عرق الرجولة ينط فيك مع إنها من سنها
لو شفت حد مسها أو حتى اتكلم عنها
بتعدمه العافية يا شيخ عشان تجيبلها حقها
بس الحقيقة مش كده أنت اللي فيك المشكلة
داين تدان حكمة زمان قالوها ولسه مكمله
حكمك عليا خليه عليك
حب لي يا أخي اللي أنت حبه ليك
دي هي دايرة وبتلف بيك
اللي أنت عملته فيا غيري هيعمله فيك
♪
ولو هتكلم على البنات عايزة يا دوب يجي سنة
هقولك إيه وأعيدلك إيه ده حالها يا عيني بالبلا
اتجوزت بدري يقولوا مالها ملهوفة كده
ما صدقت يجيلها واحد ما تختار بين ده وده
كبرت ولسه ما جاش عريس يقولوا يا عيني عنست
معمولها عمل أكيد على رجل نملة اتفشفشت
عدت بقى واتجوزت يبقى السؤال "ها خلفت؟"
عدت سنة ومخلفتش دي تبقى يا عيني ادبست
العيب بقى فيها ولا فيه وإن جبتي عيل طب خاويه
يا بت ما هو بالعيال تلخمي جوزك تربطيه
خانك خدي الشقة وسيبيه عشان العيال استحمليه
لا لأ سيبيه استحمليه، لأ اربطيه لأ اخلعيه
(اطلقت؟)
اطلقت تبقى أكيد دي ست وحشة ومش تمام
دي جوزها كان شايلها شيل هيا اللي زودت العيال
اتبهدلت وفشولت بأيديها حياتها اتقندلنت
يالا بقى الحياة كده بلاش سيرة بقى ده وده
حكمك عليا خليه عليك
حب لي يا أخي اللي أنت حبه ليك
دي هي دايرة وبتلف بيك
اللي أنت عملته فيا غيري هيعمله فيك
أما الحداقة دي طبعنا عشان نقول إحنا هنا
داخلين بوش رجلنا والفزلكة دي تخصنا
عايز تروح طريق قنا ادخل هنا وروح من هنا
ولو وصلت يا فقيق قابلنا وتف على وشنا
سياسة تلاقي واقتصاد حل مشاكل أهو ده المراد
ناقد ودكتور في القراد وفي عيد ميلادك أبو الفصاد
ده أنا واد حكاية وأعجبك خليك معايا لبهدلك
طول ما أنت جنبي أنت في أمان تبعد هتبقى خاين جبان
حكمك عليا خليه عليك
دي هي دايرة وبتلف بيك
اللي أنت هتعمله فيا غيري هيعمله فيك