Na tahupimi mano a la visera
Ha tambojoja che mbarakami
Amongaraívo Nanawa trinchera
Taropurahéi 13 Tujuti
Aropurahéita regimiento trece
Nanawa de gloria jeroviahaite
Ha ityvyra'i, regimiento siete
La muralla viva mopu'ã hare
Ro'atamahágui tesaraitépe
Peteĩ ko'ẽme roñeñanduka
Roheja hag̃ua ore ra'yrépe
Pedestal de gloria oma'ẽ hag̃ua
Ore avei paraguáietéva
Soldado ja'érõ urunde'ymi
Ndaha'éivante rojoalavaséva
Noroikotevẽi ñererochichĩ
Comando Irrazábal hendive Brizuela
Mokõivevoi aña mbaraka
Ha el león chaqueño ijykerekuéra
Mayor Caballero ore ruvicha
Cachorro de tigre suele ser overo
Macho ra'yre machito jey
Oime kuatiápe 20 de enero
Peneñongatu peẽ mbohapy
Reínte Boli heko ensuguýva
Nohechamo'ãi Y Paraguay
Oĩ haperãme ipopia rasýva
13 Tuyuti kavichu pochy
Kundt ko oimo'ãnte raka'e yvypýro
Ojuhúta ápe pire pererĩ
Ha ojepojoka gringo tuja výro
Nanawa rokẽre ojoso itĩ
Tuguyeta apytepe ou la victoria
Regimiento 13 opukavymi
Ko'ag̃a ikatúma he'i la historia
Nopamo'ãiha raza guaraní
Ipyahẽ cañón ndosovéi metralla
Llama, mboka'i ha yvate avión
Ha ni upevéro ndoku'ei muralla
Omoĩva'ekue Quinta división
Ñanetĩ ko'o oúvo yvytúre
Cañón ha mboka ratatĩ nengue
Ha ojo'a jo'ári jahecha pe ñúre
Inevu joa boli re'ongue
Ava'i akãngue ko'ápe ha pépe
Akãverakuéra omosarambi
A lo chirkaty machete haimbépe
Ikokuepeguáicha lo mitã okopi
Peichanevoi aipo añaretãme
La mba'e pochy ifunción jave
Ohecha, ohendúvamante ogueroviáne
Nanawa de gloria farra karape
Otro pitopu Nanawa de gloria
Héra opytáma mandu'ãrãmi
Oescribi chupe ipyahúva historia
Tamoñarokuéra 13 Tujuti
Ko'ẽtĩ guive ore retendópe
Kundt rembijokuái ndoikatúi oike
Osegui hapére Rodolfito López
Mboka'i ratãpe ohovapete
Na tahupimi mano a la visera
Ha tamondoho che puraheimi
Amongaraíma Nanawa trinchera
Ha che regimiento 13 Tujuti
Número 13 che regimiento
Tamoñarõmante ojekuaa
Fortín Nanawa che campamento
La muralla viva oje'eha
Fortin Nanawa che campamento
La heroica Quinta che división
Número 13 che regimiento
Solito el uno che batallón