'S tric mi sealltainn o'n chnòc a's àirde
Dh'fheuch am faic mi fear a bhàta
An tig thu'n diùigh no'n tig thu màireach
'S mur tig thu idir gur truagh a tà' mi
Fhir a' bhàta 'sna horo èile
Fhir a' bhàta 'sna horo èile
Fhir a' bhàta 'sna horo èile
Mo shòraidh slàn leat 's gach àit an teid thu
Tha mo chridhe-sa briste brùite
'S tric na deóir a ruith o'm shùilean
An tig thu nochd no'm bi mo dhùil riut
No'n dùin mi'n dorus le osna thùrsaich
Fhir a' bhàta 'sna horo èile
Fhir a' bhàta 'sna horo èile
Fhir a' bhàta 'sna horo èile
Mo shòraidh slàn leat 's gach àit an teid thu
Gheall mo leannan dhomh gùn dhe'n t-sìoda
Gheall e siod agus breacan rìomhach
Fainn òir anns an fàiginn iomhaigh
Ach 's eagal leam gun dean e di-chuimhn'
Fhir a' bhàta 'sna horo èile
Fhir a' bhàta 'sna horo èile
Fhir a' bhàta 'sna horo èile
Mo shòraidh slàn leat 's gach àit an teid thu
Bidh mi tuille gu tùrsach deùrach
Mar eala bhàn 's an déigh a reùbadh
Guileag bàis aic' air lochan feùrach
Is cach uile an déigh a tréigsinn
Fhir a' bhàta 'sna horo èile
Fhir a' bhàta 'sna horo èile
Fhir a' bhàta 'sna horo èile
Mo shòraidh slàn leat 's gach àit an teid thu