Vesle Daniel skal ut i verda
Og gjer kista klar i denne stund
Over store hav mot sør går ferda
Med San Salvador av Haugesund
Over store hav mot sør går ferda
Med San Salvador av Haugesund
Der kjem far hans gamle Dave Myra
Med ein låspung messinggul og blank
Og slær fast at her ligg månadshyra
Like trygt og støtt, som i ein bank
Og slær fast at her ligg måndashyra
Like trygt og støtt, som i ein bank
Men på kne ved leddiken ligg mor hans
Og legg plagg for plagg i kista ned
Med han Knute-Sivert, yngste bror hans
Står og tryglar om å få bli med
Med han Knute-Sivert yngste bror hans
Står og tryglar om å få bli med
Mjukt og varlig stryk ho dyffelstrøya
Som skal pryde Daniel i land
Og eit dobbelt kvitlepar for køya
Legg ho ned med kjærleg moderhand
Og eit dobbelt kvitlepar for køya
Legg ho ned med kjærleg moderhand
Under lokket ruvar reisenista
Reine julekosten er det plent
Og på heidersplassen øvst i kista
Lyser salmebok og testament
Og på heidersplassen øvst i kista
Lyser salmebok og testament
Men fra leddiken i løynd det glimtar
I eit lite flekket skilderi
Der med blomstret barneskrift ein skimtar
Di til døden trufaste Mari
Der med blomstret barneskrift ein skimtar
Di til døden trufaste Mari
Har din glade lått med gråt seg blanda
No er timen komen Daniel
Havet kallar på deg kom med handa
Vesle Daniel, farvel farvel
Havet kallar på deg kom med handa
Vesle Daniel, farvel farvel