ساكت وصابر أنا علشان هربيكوا
أصل الكتاب مليان بكل بلاويكوا
أما الجدع جي يوقع الكل راح شارك
قتلوا القتيل في جنازته الكل راح بارك
بعمل معاهم الصح ويشبعوني دموع
في الغدر نازلين دح ومقفلين مجموع
دم الرجوله بيسيح بحبلها مقطوع
الفرح أصلا شح دا أنا في العذاب منقوع
مجروح وبنزف من دمي، مفيش واحد يشيل همي
كل البشر بيعاني رخيص، أكبر سلام ليك يا أمي
شلتيني وأنا كنت بخطي، والله علي رجلك أوطي
لو شوفتي جرح هيأذيني، تيجي مكاني وتتحطي
رب العباد هو الساند، في الدنيا تعبان وبعاند
كل الصحاب غدرت بيا وعالحقيقة يا ناس بانت
مفيش سالك ليا نهائي، وحبايبي غلبت أعدائي
دا نص عمري أنا ضيعته وبجد مش لاقي الباقي
كل اللي جمبك fake وقلوب خلاص قافلة
خنجر ومتشال ليك والضربة علي غفلة
صاحبك مكانش شاريك وعمل عليك حفلة
حتي حبيبة الروح طلعت كمان سافلة
صاحب جدع في الشر والخير مبيزورهوش
في كلامه دا بيصفر لابس تملي وشوش
العين بتنزل قر تحسد في أي قروش
لما العويل يتغر أعمل متعرفهوش
حب الفلوس والسبوبة خلى الدماغ دي في غيبوبة
الكل عامل أنه تمام والماركة أصلا مضروبة
البيع خلاص بقى بالجملة
وتشوف عويل يعمل حملة
الناس تطبل وتزمر للي معاه قرش وعملة
شوفتك ملاك وأنتي شيطانة
متجيش وتعملي عشقانة
مبقولش أنك ست الناس، مقولتش أنك واحشانا
دا كنت متغفل فيكي ومسحت أسمك من شيكي
العيب حبيبتي دا مش عيبك، العيب ع اللي مرييكي
قلبي اللي عاش مجروح قادر بأيدي أداويه
دا أنا سيبته ياما يروح لخلق لعبت بيه
عايش حلاوة روح وأشرح وأقولك إيه
عظم الجسد ملووح والطب محتار فيه
شايف وشوش خايفين وعيال ملوك في الزن
هو أنتوا بني آدمين ولا أنتوا حزب الجن
هاتوا صحاب غاليين يمكن علينا تحن
نبعت رصيد بمتين ونشوفوا مين هيرن