تقلت علي كتف الجدع و مقالش غير الحمدلله
سكت بالشهور لكن منساش مكنش حد معاه
عاش بطوله .فكرهم جنبه و كانو عايزين يطولو
حب الناس بقلب ابيض و الناس مشافتش غير عيوبو
شكلك نضيف مش لايق ع الي عيشته و شوفته
الشارع حولك لكل شئ مكنتش عايزه و خوفته
رعبك خلاك تضيع كل حبايبك هنا
مين هيطمنلك و انت خايف منك بالشكل ده ؟
نضفت بشر بس الطبع غلاب يا سيدنا
كل الناس الي خوفنا عليها م الاذي اذتنا
غلبك وراك لف التعابين كأنه حضن
رتبت حياتك عليهم رتبوك يادوب ع الركن
حواليك كلاب شهره مش بيحبوك غير بالارقام
زمايلك مدمنين هيحبوك بالجرام
متبقاش منك غير حطام كأنك بيت ع الضفه
اخواتك رموك مش الديب الي عضك
متصدقهمش كله فلصو
كل دول شيوخ و فالمصلحه رقصو
كل دول مسوخ و كله مداري نقصه
طفينا النور و الي عايزنا يحرق نفسه
متصدقهمش كله فلصو
كل دول شيوخ و فالمصلحه رقصو
كل دول مسوخ و كله مداري نقصه
طفينا النور و الي عايزنا يحرق نفسه
سرقو ضي عينيك و لاموك عشان مبقتش تشوف غير اسود
الشقي الي عمل منك عجوز نشف عضمك هتنكر ؟
مش هنندب . لكن لو قولنا ان احنا بخير هنكدب
مش محتاج افضفض انا فنان لما بزعل بكتب
الشده غربلت صحابنا بقت مفيش
كله جلي لما اتملي وكله طار و طلعله ريش
مسير الدنيا تقلب زهر مسير اليك يبقي شيش
مترجعليش . رهانك غلط بيننا ايام و فيش
عشت البشر كوابيس قضيت حياتي ف ارق
عشت نص عمري احبك عشت نص عمري اكرهك
معشتهاش غير غابه مكنش ينفع اتعب
اتحطيت ف الدنيا ف خانة اني لازم ابقي تعلب
كأني بيني و بين الدنيا تار مش عايزه تحل
بتهد كل شئ عملته قصادي بكل غل
و انا مش همل و كل ما توقعني هقوم
يا تموتني يا اكسب يا ابقي عظيم يا اما اكون مجنون
متصدقهمش كله فالصو
كل دول شيوخ و فالمصلحه رقصو
كل دول مسوخ و كله مداري نقصه
طفينا النور و الي عايزنا يحرق نفسه
متصدقهمش كله فالصو
كل دول شيوخ و فالمصلحه رقصو
كل دول مسوخ و كله مداري نقصه
طفينا النور و الي عايزنا يحرق نفسه