المنبه رن لكن الهدف من الصحيان سخيف
تكملت النوم مش اختيار المستقبل مخيف
مفيش جنب بترتاح عليه عشان سريرك حجر
مشيت ورا كل خيط وإنجازاتك رف بكر
حتى القهوة بتستناك تسرح للحظة عشان تفور
الطفل اللي خاف مـ الضلمة كبر بقى يخاف مـ النور
أول ما بتبقى إنفراد وباقي بس تشوط
بتبدأ تسال نفسك عن حقيقة الوجود
الفرق بين العبقرية والجنون بهتان
أكيد النص الفاضي أنضف من نصي المليان
عشان فشلت في التعايش جيت جهنم الأنتقام
قسوة العلامة إنها بتمنع رحمة النسيان
خلي نصك يسأل نصك عاد علينا ايه من جريه
ما دام بنعيش نفس النهاية في أخر السيناريو
وليه بنكون اشخاص مش أحنا طول ما الضوء علينا
أدي تاني منبه رن لا منا نمنا ولا صحينا
مفيش شيء متمش وكان غيابك متمش
كل الناس جراحها لمت جرحك ليه ملمش
بعيد عشان متهمش ولا عشان بعيد متهمش
عينيك فضيت فضا جماد مكرهش ومحبش
مفيش شيء متمش وكان غيابك متمش
كل الناس جراحها لمت جرحك ليه ملمش
بعيد عشان متهمش ولا عشان بعيد متهمش
عينيك فضيت فضا جماد مكرهش ومحبش
ولد صغير حلم كبير ولما كبر الحلم مات
عجيب ضعف البشر وعجيبة قوة الكلمات
كلنا اسباب ده صاب عشان ده خاب
بس طول ما البشر سلالم أعرف أن اللي فوق كلاب
ملحقناش نشوف النور وصلنا والشعاع مكسور
سيبنا الارض لأجل بذور رجعنا لقينا الارض بور
والاوضاع متحسنتش لكن مبقيتش صاحب قضية
مضيت على أن مستقبلي مش أحسن من ماضيا
أسيب الجامع أقلع القفطان البس قبطان
أسوق سفينة تغرق أرقص رقصة القرصان
بطريقة غير مباشرة الدنيا قالتلي أقف بعيد
لما كل شىء قربت منه مات ببطء شديد
هعمل ايه في قفص بجناح سؤال ايه اللي أنا جوابه
تملي في ايدي في مفتاح معرفش بابه
مقدرش اختار ما بينكوا وأخسر نعمة المحايد
حب واحدة ميتنسيش بواحدة يتنسي بوحايد
مفيش شىء متمش وكان غيابك متمش
كل الناس جراحها لمت جرحك ليه ملمش
بعيد عشان متهمش ولا عشان بعيد متهمش
عنيك فضيت فضا جماد مكرهش ومحبش
مفيش شىء متمش وكان غيابك متمش
كل الناس جراحها لمت جرحك ليه ملمش
بعيد عشان متهمش ولا عشان بعيد متهمش
عينيك فضيت فضا جماد مكرهش ومحبش
نفس المطعم والاوردر متخاطرش دقيقة
طعم الملل أحلى من خسارة جديدة
رص مزيد من لا شىء مزيج من الحمول عليك
بص عمرك من قدامنا عدى نسيك دا ولا ايه
بتعمل مش مهتم ولا مش مهتم فعلاُ
ضد أو مع الغريزة لما الموجة تعلى
الأقوى دايماُ صح و الأضعف مقالش اشمعنا
ماهو لو كل واحد طلب حقه الدنيا مش هتسيعنا
قريتنا وش فقر وناسها وش خوف وجهل
البنا ما بينهم صعب بس الهد بيهم سهل
متقولش زي العامة إن الفشل محتاج شماعة
نار القلق تحرق كيلو نيكوتين في ساعة
كل عيون كلاب حارتنا مفارقتكش لحظة
مخالش عليهم انسحابك قبل كل رقصة
عيب المبدأ إنه فضحي والذكاء له ريحة
مهما دبحت نفسك مش هتبان دبيحة
مفيش شىء متمش وكإن غيابك متمش
كل الناس جراحها لمت جرحك ليه ملمش
بعيد عشان متهمش ولا عشان بعيد متهمش
عنيك فضيت فضا جماد مكرهش ومحبش
مفيش شيء متمش وكإن غيابك متمش
كل الناس جراحها لمت جرحك ليه ملمش
بعيد عشان متهمش ولا عشان بعيد متهمش
عنيك فضيت فضا جماد مكرهش ومحبش