حاطط في حساباتي كل حاجة وبرضو بتيجي بره
لو أعمى ضرب قدي ع الهدف هيصيبه مرة
قالت مش همشي بس عينيها كانت بتقول مضطرة
مكملتش ردم عشان إيدي بتتحرك
فيكي جبال وعود تخس تل وماله
كارهين عالمنا بقلب لإنك لينا كون بحاله
جميع آلهة الفن ما يجلسوش في وجودك
ملوك ما تهابش كسرى لكن تهاب مولودك
منحتيني البداية قولت اجعليلي آية
قولتيلي عام من الإنتظار لكل يوم معايا
عايشين في عرض البحر، يا دوب بنرمي الشبك
ما إحناش ضامنين عشانا، ملناش كلام ع السمك
وبيني وبينك قولنا كلام ما قولناهوش في العلن
مش أي أي برضو، ألم كتاب في جرة قلم
ما بيننا سيم ولغة نوزن برسيم لنخب
ساعة التجلي بيبقى قصادنا مدرسين ع التخت
بطلت أقابل ناس لتسأل ليه ما جيتش بيها
راجعة بقميصك بعد غيبة ابيضت عيني فيها
ولا أقدر أقولك إمشي، ولا أقدر أنسهالك
راحة البال بتدبح على رجلين تمثالك
يا إله حالات النص لا تفضي ولا تتملي
زي قبلتي في النهر أرمش بتتبدلي
بتيجي فجأة دايمًا وتمشي فجأة دايمًا
ع الباب صليب مراقبك قايمة نايمة
منحتيني البداية قولت اجعليلي آية
قولتيلي عام من الإنتظار لكل يوم معايا
عايشين في عرض البحر، يا دوب بنرمي الشبك
ما إحناش ضامنين عشانا، ملناش كلام ع السمك
وبيني وبينك قولنا كلام ما قولناهوش في العلن
مش أي أي برضو، ألم كتاب في جرة قلم
ما بيننا سيم ولغة نوزن برسيم لنخب
ساعة التجلي بيبقى قصادنا مدرسين ع التخت
في غيابك كنت ع الورق زي التاية في بيتي
عشان أعبر عن غيابك لازم تبقي جيتي
أقصى إرتفاع في العجز، أتقل حمول تشيلها
مفيش حاجة بتتسمى غير لما أنتي تاذنيلها
خالقة النجوم م الطينة، تهدي العصا وتاخديها
عدم ثباتك موج، مفيش آخر موجة نعديها
ده العوام في راحة، إحنا متأخر انتبهنا
إنك النداهة وإحنا بس اللي اتندهنا
منحتيني البداية قولت اجعليلي آية
قولتيلي عام من الإنتظار لكل يوم معايا
عايشين في عرض البحر، يا دوب بنرمي الشبك
ما إحناش ضامنين عشانا، ملناش كلام ع السمك
وبيني وبينك قولنا كلام ما قولناهوش في العلن
مش أي أي برضو، ألم كتاب في جرة قلم
ما بيننا سيم ولغة نوزن برسيم لنخب
ساعة التجلي بيبقى قصادنا مدرسين ع التخت
كنا في أماكن ما بيرجعش منها ضوء
قاعنا كان بعيد، كنا بنقع لفوق
ولما احتاجت نمشي حسيت هوا المكان خدرك
الموت ورانا فوقي، مش هرجع وحيد وأخسرك
دايمًا بنعرف التقليد عن اللي من إنشائك
وغصب عنا نمجد في القدامى من عشاقك
وبنتسابق لحد الموت على سكتك
ونقيم مقام لأدنى شخص من كعبتك
منحتيني البداية قولت إجعليلي آية
قولتيلي عام من الإنتظار لكل يوم معايا
عايشين في عرض البحر يا دوب بنرمي الشبك
ما إحناش ضامنين عشانا، ملناش كلام ع السمك