محبوس في دايره من الاوهام و الياس
بحاول اتحرر كل يوم مشعارف، لا بأس
يمكن لما الناس تتعرف على احزاني
تفهم توتر تصرفاتي افعالي و جناني
لا بقه كفايه كفايه كفايه تبرير
كفايه كفايه محاولات بأسه للتغير
خلاص مش هسكت هتكلم بدعوكوا للسماع
هختم كلامي فالنهايه بكلمه الوداع
قررت اسيب حياتكم واسيبلوكوا المسرحيه
افرحوا بالاضواء و التمثيل و النجوميه
وهميه الدنيا اللي كلنا... عايشين فيها
عارفين و الغريب بسنانكوا متبتين فيها
انا عارف ان انا مش اول واحد يتعرض لضغوط
ولا حتي اخر واحد ياخد حياته بايده يموت
مش كفايه طول اليوم... نظراتكم ليا
بتجوني بفكري قبل النوم و في احلامي اليوميه
اسئلتكوا بتنهش عقلي زي الضباع بتحوم
و ازاي الوم في ضبع كنت بامره بالصون
فالو سئلتوا حرد بأي كلام و اضحك عليكوا
بزعل لما تصدقوا الكذبه و تكذبوا عنيكوا
يمكن بتصدقوني علشان ده اسهل على ضميركم
بتسألوني مالك انتم كتير و غيركم
بس عمر ماحد فيكم اهتم يسمع الاجابه
ولو فتحت قلبي ليكم هتقولولي بلاش كأبه
سيبوني اروح لعالم تاني اجمل من عالمكوا
هكون في وسط عالم اعلم بحالي منكم
الوداع للقوم الكاذبين المدعين لا تصتنعوا اهتمامكم كلكم مكشوفين
مش وحيد بس وحدي
وسط المي و محنتي
نفسي ليك و اقول و احكي
تبقوا سندي و قوتي
مش وحيد بس وحدي
وسط المي و محنتي
نفسي ليك و اقول و احكي
تبقوا سندي و قوتي
الوداع للقوم الكاذبين المدعين لا تصتنعوا اهتمامكم كلكم مكشوفين
الكلام لمين... لكل المستمعين
و علي لسان مين مراهقين بكره يبقوا كبار
قلوب صغيره بتعاني سرعه الاحتضار
ضغوط الاهل و المجتمع اثرت عليهم
زرعت فيهم مشاكل ابدا ما كانت فيهم
مبتحميش صوتهم و دورهم في مستقبلهم من اهلهم
معانتهم لو اختلفوا عن المجتمع يمحو فكرهم
ازاي بتلوم في شاب انت السبب في تكوينه
بتستنكر وجوده... بتزل في و تهينه
افعالك فالاساس هيا اصلا سبب المرض
لو مش عجبك تربيته المفروض انت اللي تتحرج
هرج و مرج جوه عقل الشاب اللي ادرج
تحت تصنيف مكتئب عايش بيحلم بالفرج
الاكتئاب ده مرض مش حاله و لا مود
واصل لربع شبابنا بالارقام و الشهود
٢٥ فالميه من الشباب مكتئبين
بيعانوا امراض نفسيه و عن الحياه معزولين
٦فالميه منهم بيفكروا فالانتحار
و ارجع لكتاب اكتئاب المراهقين و الاطفال
فامتربوش ولادكوا على الاوامر و التهزيق
متكسروش مقاديفهم بالكبت والتضيق
العنف مش بس عنف مد لسان و الايد
العنف كسره نفس و تحويلهم عبيد
فلو انت نفسك لسه مش متصالح مع نفسك
متجبش لا متجبش فالدنيا طفل بامراضك ينافسك
و اعرف... وافهم ان البنين زينه فتنه زي المال
فاللي معهوش فلوس بقه بيكنز فالعيال
اللي غرقوا بمشاكل ما تشاقها البيوت انا مش جاحد
بفضل اهلي ولا بدعوكم للعقوق
انا بوصل حقيقه مجتمعنا مجتمع املي و املهم انه يسمعنا
مش وحيد بس وحدي
وسط المي و محنتي
نفسي ليك و اقول و احكي
تبقوا سندي و قوتي
مش وحيد بس وحدي
وسط المي و محنتي
نفسي ليك و اقول و احكي
تبقوا سندي و قوتي