Ja dsch dr Shit wo mr fläschät und gloub'mr i weiss äs isch gfährläch
Hängä im Charrä vom Brüätsch und fougä eifach mim Läbä
Dr Klang vom Motor i dä Ohrä und im Player louft geilä Sound
I fahrä eifach desumä wie meischtäns am freiä Tag
I drückä dr Stämpu a Bodä und i länkä dä Hobu
Ha nid würkläch äs Ziu vor Ougä und füäu mi frei wienä Vogu
I fahrä gmüätläch über z'Land und i verhäääng'es chli
Aber mängisch bruuchsch haut ä Pousä vo dr Wäut und i
Versuächä abzschautä drückä z'Pedau abä
Wartä bis'r de richtig klingt um i nächscht Gang schautä
Z'Dach offä und dr Brönner im Äckä
Irgendwiä gopferdammi nomau und doch glückläch wie no säutä
Ja s'isch einä vo denä Tagä, weisch äs isch eifach anders
Liäbä Momäntä wie dä, weisch nid wo d'einisch landisch
Und was ou immer passiert dr Tag isch grundsätzläch grettät
Dankä aunä Beteiligtä härzlech muäss sägä s'isch herrläch
Äs isch einä vo denä Tagä
Weisch äs isch eifach anders
Weisch äs isch eifach herrläch
Doch meistäns so schnäu vergangä
Scho bau geit d'Sunnä unger
Scho bau isch wieder dunku
Ab morn Aheissts wieder Chummer
Aber zum Glück
Isch hüt einä vo denä Tagä
Weisch äs isch eifach anders
Weisch äs isch eifach herrläch
Doch meistäns so schnäu vergangä
Scho bau geit d'Sunnä unger
Scho bau isch wieder dunku
Ab morn heissts wieder Chummer
Aber zum Glück
Gmüätläch ar Sensä hängä, s'Füür machä nächhär brätlä
Eifach ä figg gä uf auäs und öppis anders dänkä
Tröimä vo nacktä Schänklä, zwöi Bier im Plastig-Bächr
Spöiä uf Steinä wo zischä wenn d'Sunnä lang het bräntät
Stoubigä Sound dröhnt usäm Kassettägrät
Macht ä huärä Meis aber versteisch eifach nüt bi däm Lärm
Uhuärä Sand i dä Chleidär, uhuärä kantigi Steinä
Uhuärä d'scheichä ufschriissä und ersch gschnauät deheimä
Und überau di scheiss Brämä wo mi stächä u närfä
Dr Duft vo Sunnäcrem i dr Luft und äs paar Goofä wo päägä
Auäs verschwitzt wie nä Moorä und i stinkä wie d'Sou
Verdammt i liäbäs, äs isch eifach zfriedä n'äso
Hüt cha mi nüt stressä, mah nid mit Lüüt redä
Eifach chli hängä und nächhär näbäm Füür pennä
D'Lüüt rennä dürä Fluss mit dä Steinä
äs Paarli liäbt säch im Wasser, wedä versteisch was i meinä
Äs isch einä vo denä Tagä
Weisch äs isch eifach anders
Weisch äs isch eifach herrläch
Doch meistäns so schnäu vergangä
Scho bau geit d'Sunnä unger
Scho bau isch wieder dunku
Ab morn heissts wieder Chummer
Aber zum Glück
Isch hüt einä vo denä Tagä
Weisch äs isch eifach anders
Weisch äs isch eifach herrläch
Doch meistäns so schnäu vergangä
Scho bau geit d'Sunnä unger
Scho bau isch wieder dunku
Ab morn heissts wieder Chummer
Aber zum Glück